تەمىرتاۋدا 12 جاستاعى بالا كوشەدەگى توبەلەس كەزىندە كوز جۇمعان دەپ حابارلايدى "ادىرنا" ۇلتتىق پورتالى "Tengrinews.kz-كە" سىلتەمە جاساپ.
ول توبەلەسىپ جاتقان دوستارىن اجىراتپاق بولعان، سول ساتتە ءبىر بالا ونىڭ باسىنان ۇرعان، وقيعا بولعان جەردە ول ەسىنەن تانىپ قالعان. جەلىدە اتالعان توبەلەستىڭ ۆيدەوسى جاريالاندى.
«ۆەگا اۋدانىندا توبەلەس سالدارىنان بالا قايتىس بولدى. ول توبەلەسپەگەن، تەك اجىراتقىسى كەلگەن. توبىمىز بالانىڭ جاقىندارى مەن تۋىستارىنا كوڭىل ايتادى»، - دەلىنگەن ۆيدەوجازبا حابارلاماسىندا.
پوليتسيا قىزمەتىنىڭ ايتۋىنشا، 24 شىلدەدە ستاروگورود پوليتسيا بولىمشەسىنىڭ كەزەكشى بولىمىنە تەمىرتاۋ قالالىق بالالار اۋرۋحاناسىندا قالانىڭ 12 جاستاعى تۇرعىنى قايتىس بولعانى تۋرالى حابارلاما تۇسكەن. جابىرلەنۋشى اۋلادا 13 جاستاعى بالامەن جانجالداسقان. توبەلەسكە ۇلاسقان جانجال كەزىندە ونىڭ باسىنا سوققى جاسالعان.
«دەرەك قر قىلمىستىق كودەكسىنىڭ 104-بابى («ابايسىزدا قازاعا ۇشىراتۋ») بويىنشا تىركەلدى. ءتيىستى ساراپتامالار تاعايىندالدى، سوت-تەرگەۋ امالدارى ءجۇرىپ جاتىر»، - دەدى قاراعاندى وبلىسى تەرگەۋ باسقارماسىنىڭ باستىعى رۋستام كۇلكەەۆ.
"ادىرنا" ۇلتتىق پورتالى.
