قازاقستان رەسپۋبليكاسى تاۋەلسىزدىگىنىڭ 30 جىلدىعى - بۇل ءبىزدىڭ جەتىستىكتەرىمىزدى وي ەلەگىنەن وتكىزۋدىڭ، بولاشاققا مىندەتتەردى ايقىنداۋدىڭ مۇمكىندىگى. تاۋەلسىزدىكتىڭ تاريحي، ساياسي، الەۋمەتتىك-ەكونوميكالىق، مادەني قۇبىلىس رەتىندەگى اۋقىمى مەن ماڭىزىن ەسكەرە وتىرىپ، وبلىستاعى بارلىق ءىس - شارالار مەن جوبالار "جاسامپازدىققا تولى جىلدار" - "سوزدانيە ۆو يميا ليۋدەي" باستى يدەياسىنىڭ بەلگىسىمەن وتكىزىلەدى.
قوستاناي وبلىسىندا وڭىرلىك كوممۋنيكاتسيالار قىزمەتىنىڭ الاڭىندا قازاقستان رەسپۋبليكاسى تاۋەلسىزدىگىنىڭ 30 جىلدىعى اياسىنداعى مەرەكەلىك ءىس-شارالارعا جانە "يگى ىستەر مارافونى"قايىرىمدىلىق جوباسىن ىسكە اسىرۋعا ارنالعان ءباسپاسوز بريفينگى ءوتتى.
وبلىستا قازاقستان رەسپۋبليكاسى تاۋەلسىزدىگىنىڭ 30 جىلدىعىن قالاي اتاپ ءوتۋ جوسپارلانۋدا، وسى جىلى قانداي ءىس-شارالار جوسپارلانعان جانە قانداي جاڭا نىسانداردى تاپسىرۋ جۇزەگە اسىرىلادى، دەپ قوستاناي وبلىسى اكىمدىگىنىڭ ىشكى ساياسات باسقارماسىنىڭ باسشىسى مارات كەنجەبەكۇلى جۇرقاباەۆ ايتىپ بەردى.
ونىڭ ايتۋىنشا، وبلىستا قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ اياسىندا 200-دەن استام ءىس-شارا جوسپارلانعان. ونىڭ ىشىندە 20 قالالار مەن اۋدانداردىڭ ينفراقۇرىلىمىن دامىتۋ بويىنشا، 15 جاڭا وندىرىستەردى ىسكە قوسۋ، 11 يننوۆاتسيالىق جوبانى ەنگىزۋ، 9 ءىرى ونەركاسىپتىك جانە 20-دان استام الەۋمەتتىك وبەكتىلەردى سالۋ بويىنشا.
- ءبىز ءبارىمىز وسى جۇمىستىڭ قانشالىقتى بەلسەندى جۇرگىزىلىپ جاتقانىنا كۋا بولىپ وتىرمىز، - دەدى مارات كەنجەبەكۇلى. - مىسالى، تاۋەلسىزدىكتىڭ 30 جىلدىعىندا دامۋدىڭ جاڭا كەزەڭىنە "سارىارقااۆتوپروم" جشس شىقتى، وندا KIA, Lada اۆتوموبيلدەرىنىڭ وندىرىستىك جەلىسى ىسكە قوسىلدى. "اگروماشحولدينگ KZ" اق بيزنەس-ينكۋباتور بازاسىندا وقشاۋلاۋ ورتالىعى اشىلدى. اۋليەكول اۋدانىندا 365 ابونەنت ءۇشىن 123 شاقىرىم گاز تاراتۋ جەلىسى ىسكە قوسىلدى. مەديتسينا كوللەدجى مەن اۆتوموبيل كولىگى كوللەدجى ءۇشىن جاڭا جاتاقحانالار اشىلدى. قوستاناي جانە ارقالىق قالالارىندا ساۋدا ورتالىقتارى مەن سۋپەرماركەتتەر سالۋدىڭ ارقاسىندا 600-دەن استام جاڭا جۇمىس ورنى قۇرىلدى. 5 شىلدەدە قوستاناي قالاسىندا تولىق ەمەس جانە كوپ بالالى وتباسىلارعا، جەتىم بالالار مەن مۇگەدەكتەرگە 120 پاتەردىڭ كىلتى سالتاناتتى تۇردە تابىس ەتىلدى. وسىنىڭ بارلىعى ءاربىر قالا مەن اۋداندا تاۋەلسىزدىك جەتىستىكتەرى تۋرالى ەستەلىك ءىز قالدىراتىنى ءسوزسىز.
اعىمداعى جىلدىڭ 1 جارتى جىلدىعىنىڭ قورىتىندىسى بويىنشا بارلىعى 99 803 ادامدى قامتىعان 4 972 ءىس-شارا وتكىزىلدى.
سپيكەر اعىمداعى جىلدى وبلىستا ۇرپاقتار ساباقتاستىعى جىلى دەپ بەلگىلەگەنىن اتاپ ءوتتى. وسىعان بايلانىستى يدەولوگيالىق تۇرعىدان ماڭىزدى جوبالار قولعا الىنىپ، ىسكە اسىرىلۋدا.
مىسالى، وبلىستىڭ بارلىق وڭىرلەرىندە "تاۋەلسىزدىك اللەياسىن" اشۋ جۇمىستارى جۇرگىزىلۋدە، وبلىستىڭ قالالارى مەن اۋداندارىنىڭ ورتالىق الاڭدارىندا مەملەكەتتىك تۋلاردىڭ تۋتۇعىرلارى ورناتىلىپ، اشىلۋدا. ءوڭىر ۋنيۆەرسيتەتتەرىنىڭ بەلسەندىلىگىنىڭ ارقاسىندا "TAYELSIZDIK URPAGY" ستارتاپ-بايقاۋى تابىستى وتۋدە، قوستاناي وبلىسىنىڭ ۇكىمەتتىك ەمەس سەكتورىنىڭ الەۋمەتتىك جاۋاپكەرشىلىگى ازاماتتىق قوعامنىڭ 30 ماڭىزدى باستاماسىن قارجىلاندىرۋعا جانە رەسپۋبليكاداعى الەۋمەتتىك كاسىپكەرلىك جوبالارىنىڭ العاشقى ينكۋباتورىن ىسكە قوسۋعا مۇمكىندىك بەردى
بريفينگ بارىسىندا سپيكەر ەكىنشى جارتىجىلدىققا ارنالعان جوسپارلارىمەن ءبولىستى.
- ەكىنشى جارتىجىلدىقتا ءبىز قوستاناي وبلىسىنىڭ بارلىق وڭىرلەرىندە تاۋەلسىزدىك اللەيالارىن اشۋ جۇمىستارىن اياقتايمىز. قوستاناي وبلىسىنىڭ تاريحىن زەرتتەۋ بويىنشا اۋقىمدى اۆتوكەرۋەندى ىسكە قوسامىز. سونداي - اق، 2021 جىلدىڭ ءار ايىنىڭ تاقىرىپتىق باعىتتارى اياسىندا ءىس-شارالاردى ىسكە اسىرۋدى جالعاستىرامىز، - دەدى مارات كەنجەبەكۇلى.
جاستار ساياساتى ماسەلەلەرى باسقارماسىنىڭ وكىلى اقمارال ەرقانقىزى قۇرمانوۆا وڭىردەگى يگى ىستەر مارافونىنىڭ بارىسى تۋرالى جۋرناليستەرمەن ءبولىستى.
وسىلايشا، جىل باسىنان بەرى 1638-دەن استام ءتۇرلى فورماتتاعى ءىس-شارالار ىسكە اسىرىلدى، ولارعا 64 665 ادام قامتىلدى، ولارعا قولداۋ جانە اتاۋلى كومەك كورسەتىلدى.
ونىڭ ايتۋىنشا، "يگى ىستەر مارافونىنا" مەملەكەتتىك مەكەمەلەر مەن قوعامدىق ۇيىمدار، ەتنومادەني بىرلەستىكتەر، بيزنەس وكىلدەرى، ەرىكتىلەر ۇيىمدارى جانە كوپتەگەن جاناشىر ازاماتتار قوسىلدى.
مىسالى، 2021 جىلعى قاڭتار-ناۋرىز ارالىعىندا "قارلى دەسانت" اكتسياسى اياسىندا وبلىستىڭ 20 وڭىرىنەن 400-دەن استام ۆولونتەر تارتىلدى. جالعىز باستى زەينەتكەرلەر مەن مۇمكىندىگى شەكتەۋلى ادامداردىڭ 700 اۋلاسى تازالاندى.
قايىرىمدىلىق مادەنيەتى مەن داستۇرلەرىن تاربيەلەۋ ماقساتىندا، العىس ايتۋ كۇنى قارساڭىندا وبلىستىق قازاقستان حالقى اسسامبلەياسى "قايىرىمدىلىق كەرۋەنى: 30 يگى ءىس"مارافونىنا باستاۋ بەردى.
جوباعا وبلىس مەتسەناتتارى بەلسەندى قاتىستى.
بريفينگ اياسىندا "كوماروۆ تاۋ - كەن كاسىپورنى" جشس وكىلى، قوعاممەن بايلانىس ءبولىمىنىڭ باستىعى ترۋحانوۆ انتون ۆلاديميروۆيچ كومەك تاريحىمەن ءبولىستى.
