باستى بەت
جاڭالىقتار
كوروناۆيرۋس: 800 مىڭ بالا جەتىم قالدى

كوروناۆيرۋس: 800 مىڭ بالا جەتىم قالدى

23.07.2021

4529

https://adyrna.kz/content/uploads/2021/07/5f925483a3296627185224-960x500.jpg?token=bec1f126e97defb2529c56a1784e2f5e

ۇلىبريتانيالىق عالىمدار كوروناۆيرۋس ينفەكتسياسىنان بولعان ءولىم جاعدايلارىنا العاش رەت زەرتتەۋ جاساپ، سالدارىنان بالالار اتا-اناسىز نەمەسە قامقورشىسىز قالدى جانە COVID-19 پاندەمياسى الەمدەگى جەتىمدىك ماسەلەسىن ەداۋىر ۋشىقتىردى دەگەن قورىتىندىعا كەلدى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.

زەرتتەۋ اۆتورلارى ماتەماتيكالىق مودەلدەۋ ءادىسىن قولدانعان جانە 21 ەلدە 18 جاسقا دەيىنگى بالالارعا العاشقى نەمەسە قايتالاما كۇتىم جاسايتىندار اراسىندا COVID-19-عا بايلانىستى ءولىم مەن دۇنيەگە بالا اكەلۋ تۋرالى دەرەكتەردى تالداعان.
لوندون يمپەريالىق كوللەدجى عالىمدارىنىڭ تالداۋى بويىنشا، 2020 جىلدىڭ ناۋرىزىنان 2021 جىلدىڭ ساۋىرىنە دەيىن 21 ەلدە (ارگەنتينا، برازيليا، كولۋمبيا، انگليا، ۋەلس، فرانتسيا، گەرمانيا، ءۇندىستان، يران، يتاليا، كەنيا، مالاۆي، مەكسيكا، نيگەريا، پەرۋ، فيليپپين، پولشا، رەسەي، وڭتۇستىك افريكا رەسپۋبليكاسى، يسپانيا، اقش جانە زيمبابۆە) COVID-19 پاندەمياسى سالدارىنان كەم دەگەندە 1 134 000 بالا جەتىم قالعان نەمەسە اتا-اجەسىنەن ايىرىلعان. زەرتتەۋ ناتيجەلەرى The Lancet جۋرنالىندا جاريالاندى.

زەرتتەۋشىلەردىڭ ايتۋىنشا، پاندەميانىڭ العاشقى 14 ايىندا 1 ميلليوننان اسا بالا اتا-اناسىنىڭ بىرىنەن نەمەسە ەكەۋىنەن دە ايىرىلعان. تاعى شامامەن 500 مىڭ بالا بىرگە تۇرعان اتا-اجەسىنەن ايىرىلعان. جالپى، اتا-اناسىنان نەمەسە وزىنەن ۇلكەن تۋىستارىنان ايىرىلعان بالالار سانى 1,562 ميلليونعا جەتتى.

جالپى العاندا اتا-اناسىنان نەمەسە ۇلكەن تۋىسىنان ايىرىلعان بالالار سانى 788 704-كە جەتكەن. جەتىم بالالار سانى بويىنشا ءبىرىنشى ورىندا مەكسيكا - 141,1 مىڭنان اسا. برازيليادا130,3 مىڭنان استام كامەلەتكە تولماعان بالا اتا-اناسىنان ايىرىلدى. ءۇشىنشى ورىندا اقشتۇر - 113,7 مىڭ بالا. رەسەي دە جاھاندىق تالداۋعا كىردى، ەلدە 29,7 مىڭنان اسا بالا اتا-اناسىنان ايىرىلدى.

عالىمدار ۆيرۋستىڭ جاڭا شتامدارىنىڭ تارالۋى جانە ۆاكتسيناتسيانىڭ باياۋلاۋى پاندەميا كەزىندە جەتىم بالالار سانىنىڭ وسۋىنە اكەلۋى مۇمكىن ەكەنىن ايتادى. ماماندار ەرەسەكتەردىڭ كوروناۆيرۋستان قايتىس بولۋى تەز ارادا شەشۋدى قاجەت ەتەتىن جاھاندىق پروبلەما ەكەنىن مويىندادى.