ماڭعىستاۋ وبلىسىنىڭ اكىمدىگى مەن قر اۋىل شارۋاشىلىعى مينيسترلىگى اراسىنداعى كەلىسىمگە سايكەس وڭىرگە 546 304 توننا ارپا جەتكىزىلدى دەپ حابارلايدى "ادىرنا" ۇلتتىق پورتالى.
ماڭعىستاۋ وبلىسى اكىمىنىڭ ءباسپاسوز قىزمەتى مالىمدەگەندەي، بۇل جوبانى «ازىق-تۇلىك كەلىسىم-شارت كورپوراتسياسى» ارقىلى «كاسپي» اكك» اق وبلىستىق قازىنادان بولىنگەن قارجىعا جۇزەگە اسىرىپ وتىر. ماقسات – ارپانىڭ باعاسىن ارزانداتىپ، ءوڭىر شارۋالارىنا قولجەتىمدى باعادا جەم جەتكىزۋ.
قازىر 1 توننا ارپانىڭ نارىقتاعى ورتاشا باعاسى — 112 مىڭ تەڭگە. ال «ازىق-تۇلىك كەلىسىم-شارت كورپوراتسياسى» ارقىلى جەتكىزىلىپ جاتقان ءبىر توننا ارپانىڭ ساتىلىمداعى باعاسى — 92 مىڭ تەڭگە.
بۇگىن توعىز ۆاگونعا ارتىلعان ارپا جەمى ءوڭىر ستانتسيالارىنا كەلىپ توقتادى. تۇپقاراعان، مۇنايلى اۋداندارىنا ءۇشىن 5 ۆاگون، جاڭاوزەن قالاسى مەن قاراقيا اۋدانى ءۇشىن 2 ۆاگون، ماڭعىستاۋ اۋدانى ءۇشىن ءبىر ۆاگون ءبولىندى.
قابىلداۋعا ىڭعايلى بولۋ ءۇشىن جانە ودان ءارى مال شارۋاشىلىقتارى اراسىندا تاراتۋ ءۇشىن ارپا 45-50 كگ قاپتارعا سالىنعان.
الداعى ۋاقىتتا بۇل باعىتتاعى جۇمىستار جالعاسادى.
"ادىرنا" ۇلتتىق پورتالى.
