الماتى وبلىسىندا كەرەگەسى سوگىلگەن مەكتەپتى قالپىنا كەلتىرۋ جۇمىستارى باستالدى

2334
Adyrna.kz Telegram

جازيرالى جاركەنتتە 4 جىل الدىن ەل يگىلىگىنە بەرىلگەن ءبىلىم ورداسىنىڭ قابىرعالارىندا جارىقتار پايدا بولعان. نىساننىڭ جالپى سمەتالىق قۇجاتىنا 1ملرد. 21 مىڭ تەڭگە ءبولىنىپ، "الماتىكۋلبىتستروي" مەردىگەر كومپانياسى جاۋاپكەرشىلكتى ءوز مويىندارىنا العان بولاتىن. اتالعان كومپانيا مەكتەپتىڭ قۇرىلىسىنا 3 جىلدىق كەپىل مەرزىم بەرگەن.

جەلىدە لەزدە تاراعان قابىرعالارى سوگىلگەن ءبىلىم وشاعىنىڭ سۋرەتى ەلدى دۇرلىكتىرگەنى جاسىرىن ەمەس. الايدا، مەكتەپ قابىرعاسىنداعى بۇل سىزاتتار 2019 جىلى پايدا بولعان ەكەن.

وسىدان ەكى جىل بۇرىن مەكتەپتىڭ سىرتقى قابىرعالارىندا سىزىق پايدا بولعان ساتتە مەكتەپ اكىمشىلىگىنىڭ شاعىمى نەگىزىندە اكىمدىك، پروكۋراتۋرا جانە انتيكوررۋپتسيا تەكسەرىس جۇرگىزەدى. ارنايى مامانداردىڭ تەكسەرىس ناتيجەسىندە مەكتەپتىڭ كەيبىر بولىگىندە سىرتقى سىلاعى قالىڭ جاعىلعانى انىقتالعان. ال، مەكتەپتىڭ نەگىزگى قابىرعاسى قىزىل كىرپىشتەن سالىنعان. ول تولىقتاي تالاپقا ساي، قاۋىپسىز. مەردىگەر كومپانيا كەپىلدىك نەگىزىندە مەكتەپتىڭ سىرتقى سىلاعىن جۇرگىزىپ شىعادى.

ەكى جىل بۇرىن قابىرعاسىندا سىزات پايدا بولا باستاعان ءبىلىم ورداسىنىڭ بۇگىنگى كەلبەتى وزگەرىسسىز، بيىل دا نىساننىڭ كەرەگەسىندە جارىقتار پايدا بولعان. مەردىگەر كومپانيانىڭ بەرگەن كەپىلدىك مەرزىمى ءوز شەگىنە جەتكەندىكتەن، جەرگىلىكتى اكىمدىك ۇنەمدەلگەن قارجىدان ۇنەمدەلگەن قارجىدان 15 ملن تەڭگە ءبولىپ، كونكۋرس نەگىزىندە ۇتىپ العان قۇرىلىس كومپانياسى جوندەۋ جۇمىستارىن جۇرگىزۋدە.

پىكىرلەر