مەمەكەت باسشىسى قاسىم-جومارت توقاەۆتىڭ ءوتىنىش بەرۋشىلەرمەن اراداعى جۇمىس ساپاسىن ارتتىرۋ تۋرالى تاپسىرماسىن ورىنداۋعا باعىتتالعان تاعى ءبىر جوبا تولىق ىسكە استى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
بۇل تۋرالى پرەزيدەنتتىڭ ءباپاسوز حاتشىسى بەرىك ءۋالي Facebook پاراقشاسىندا جازدى.
پرەزيدەنت قاسىم-جومارت توقاەۆ جىل باسىنداعى ۇكىمەتتىڭ كەڭەيتىلگەن وترىسىندا ازاماتتاردىڭ وتىنىشتەرىن ەسەپكە الۋ ءىسىن جەتىلدىرۋدى تاپسىرعان بولاتىن.
«ءوتىنىش بەرۋشىلەرمەن اراداعى جۇمىس ساپاسىن ارتتىرۋ ءۇشىن جاڭا «ە-ءوتىنىش» اقپاراتتىق جۇيەسىن جانە «ناتيجە» ورتالىقتارىن اشۋعا تاپسىرما بەرىلدى. اتالعان جۇيە 1 شىلدەگە دەيىن بارلىق مەمكەلەكەتتىك ورگانداردا ىسكە قوسىلۋى ءتيىس»، - دەگەن بولاتىن پرەزيدەنت.
بەرىك ءۋاليدىڭ ايتۋىنشا، 1 شىلدەدەن بەرى «ە-ءوتىنىش» اقپاراتتى جۇيەسى جانە حالىققا قىزمەت كورسەتۋ ورتالىقتارى جانىندا «ناتيجە» جوباسى جۇمىس ىستەپ تۇر.
«ە-ءوتىنىش» جۇيەسى وتىنىشتەردى قاراۋعا بايلانىستى ارتىق بيۋروكراتيالاندىرۋدى بولدىرمايدى جانە ازاماتتارعا ءوز وتىنىشتەرىنىڭ مەملەكەتتىك ورگانداردا قارالۋ بارىسىن قاداعالاۋعا مۇمكىندىك بەرەدى»، - دەپ جازادى پرەزيدەنتتىڭ ءباسپاسوز حاتشىسى.
كەلتىرىلگەن دەرەك بويىنشا، بۇگىندە بۇل اقپاراتتىق جۇيەگە 38 مىڭنان استام ۇيىم «مەملەكەتتىك ورگاندار مەن مەلەكەتتىك ۇيىمدار) قوسىلعان جانە 160 مىڭنان استام قىزمەتكەر جۇمىس ىستەيدى. «بارلىق «ازاماتتارعا ارنالعان ۇكىمەت» كوممەرتسيالىق ەمەس اكتسيونەرلىك قوعامىنىڭ بازاسىندا وتىنىشتەردى قابىلدايتىن جانە ازاماتتارعا ءوتىنىشتى راسىمدەۋ كەزىندە كونسۋلتاتسيالىق كومەك بەرەتىن 259 «ناتيجە» ورتالىعى قۇرىلدى»، - دەپ جازىلعان مالىمەتتە.
