قازاقستاندىق سپورتشى جالعاس جۇماعۇلوۆ (13-5) لاس-ۆەگاس قالاسىندا وتكەن UFC 264 تۋرنيرىندە جەڭىسكە جەتتى دەپ حابارلايدى "ادىرنا" ۇلتتىق پورتالى "Vesti.kz-كە" سىلتەمە جاساپ.
وتانداسىمىز امەريكالىق دجەروم ريۆەرامەن (10-5) كەزدەسىپ، ءبىرىنشى راۋندتا قارسىلاسىن قىلقىندىرىپ تاستادى. وسىلايشا جالعاس جۇماعۇلوۆ UFC ۇيىمىنداعى ءبىرىنشى جەڭىسىنە قول جەتكىزدى.
بۇل — قازاقستاندىق سپورتشىنىڭ ارالاس جەكپە-جەكتەگى 14-ءشى جەڭىسى.
ايتا كەتەيىك، جالعاس جۇماعۇلوۆ UFC ۇيىمىنداعى ءۇشىنشى كەزدەسۋىن وتكىزدى. بۇعان دەيىن ول وسى ۇيىمداعى ءبىرىنشى كەزدەسۋدە برازيليالىق راۋليان پايۆادان، كەيىن شۆەتسيالىق امير البازيدەن جەڭىلىپ قالعان بولاتىن.
"ادىرنا" ۇلتتىق پورتالى.
