الەۋمەتتىك ءومىردى تسيفرلاندىرۋعا بايلانىستى دەرەكتەر تۋرالى ءبىلىم ەكونوميكانىڭ بارلىق سالالارىندا سۇرانىسقا يە. الەمدە وسى سالا بويىنشا مامانداردىڭ جەتىسپەۋشىلىگى بايقالادى. وسىعان وراي، قازاقستاندا جوعارى ءبىلىم بەرۋدىڭ جاڭا ماماندىعى - ەكونوميكا جانە دەرەكتەر تۋرالى عىلىم سالاسىنداعى ىسكەرلىك اكىمشىلەندىرۋ باكالاۆرى م.س. نارىكباەۆ اتىنداعى كازگيۋ ۋنيۆەرسيتەتىندە اشىلادى. ەكونوميكا سالاسىندا دەرەكتەردى تالداۋ مامانى كوپتەگەن ماتەريالداردى وڭدەي الادى.
وسى باعدارلامانىڭ ارقاسىندا ستۋدەنتتەر بيزنەس، داتا-مەنەدجمەنت، كودتاۋ، ۆيزۋاليزاتسيا جانە اناليتيكانى، بيزنەس پەن ۇيىمداردىڭ مىندەتتەرىن شەشۋ ءۇشىن ەكونوميكالىق تالداۋ جانە IT داعدىلارىن قالاي قولدانۋدى ۇيرەنەدى. باعدارلاما تۇلەكتەرى ەكونوميكا، پروداكت مەنەدجمەنت، بيزنەس اناليتيكا، IT, ماركەتينگ جانە ساتۋ سالالارىندا جۇمىس ىستەي الادى.
"مويىنداۋ كەرەك، مەنىڭ كەيبىر ارىپتەستەرىم - ءوز ءىسىنىڭ ماماندارى ەكونوميكا مەن دەرەكتەر تۋرالى عىلىمدى بىردەن ۇيرەنۋگە بولاتىنىنا كۇماندانادى. شىن مانىندە، ءبىزدىڭ دەرەكتەرمەن جۇمىس ىستەۋىمىز - بۇل زاڭداردىڭ جۇمىس ىستەيتىنىن نەمەسە جۇمىس ىستەمەيتىنىن تۇسىنۋگە تىرىسۋ، بولماسا نەگە ەكەنىن زەرتتەۋ. بۇل ەكونوميكانى، بيزنەستى جانە دەرەكتەر عىلىمىن بىرىكتىرەتىن قازىرگى زامانعى بيزنەس-ەكونوميكا. دەرەكتەر تۋرالى عىلىم بلوگىن قامتيتىن BBA in IT باعدارلاماسىمەن سينەرگيانىڭ ارقاسىندا كۋرستار مۇمكىن بولدى. ءبىزدىڭ ستۋدەنتتەر وزدەرىنىڭ نەگىزگى ماماندىقتارىمەن قاتار ماركەتينگ سالاسىندا قوسىمشا مامانداندىق يەسى اتانۋ مۇمكىندىگىنە يە بولادى", - دەپ تۇسىندىرەدى كازگيۋ ۋنيۆەرسيتەتىنىڭ ەكونوميكا جوعارى مەكتەبىنىڭ دەكانى ساۋلە كەمەلباەۆا.
باعدارلاما: جاھاندىق تا، ۇلتتىق تا كونتەكستە ەكونوميكالىق جانە ىسكەرلىك ورتا تۋرالى ،ءبىلىمدى كورسەتۋگە; ءتۇرلى ەكونوميكالىق قۇبىلىستار مەن ساياساتتى تالداۋعا جانە ءتيىستى ۇسىنىمداردى ازىرلەۋگە; بيزنەس پەن ەكونوميكاداعى مىندەتتەردى شەشۋ ءۇشىن دەرەكتەردى دەربەس جيناۋعا، وڭدەۋگە، تالداۋعا، ۆيزۋاليزاتسيالاۋعا جانە تۇسىندىرۋگە; بيزنەس-ەكونوميكا سالاسىندا IT داعدىلارىن ءتيىمدى پايدالانۋعا; بيزنەس ءۇشىن Iت يندۋسترياسى ۇسىناتىن مۇمكىندىكتەردى تۇسىنۋگە مۇمكىندىك بەرەتىن تۇلەكتەردى دايارلاۋعا باعىتتالعان. باعدارلاما تولىعىمەن اعىلشىن تىلىندە ۇسىنىلادى.
م.س. نارىكباەۆ اتىنداعى كازگيۋ ۋنيۆەرسيتەتىنىڭ ءباسپاسوز قىزمەتى، 70-30-42
