"الاتاۋ" ءداستۇرلى ونەر تەاترىندا الماتى قالاسى اكىمدىگىنىڭ قولداۋىمەن، كۇيشى ءسابيرا بيباتىروۆانىڭ «تورەمۇرات» اتتى جەكە شىعارماشىلىق كۇي كەشى وتەدى.
ءسابيرا بيباتىروۆانىڭ «Toremurat» اتتى بۇل كەشى ەلباسىنىڭ "بولاشاققا باعدار:رۋحاني جاڭعىرۋ" باعدارلاماسى اياسىندا ۇيىمداستىرىلىپ، رەسپۋبليكاعا تانىمال بەلگىلى شەبەر مىرزاعاليەۆ بيسەنعاليدىڭ 90 جىلدىعىنا ارنالادى. بۇل كەش الداعى ۋاقىتتا قازاقستاننىڭ وزگە قالالارىندا دا جالعاسىن تاباتىن بولادى.
ءسابيرا بيباتىروۆا – 1996 جىلدان باستاپ جيىرما جىلعا جۋىق رەسپۋبليكالىق كونكۋرستاردا ۇزدىكسىز جەڭىمپاز اتانىپ كەلگەن مۋزىكانت، دينا نۇرپەيىسوۆا اتىنداعى (2001), قالي ءجانتىلەۋوۆ اتىنداعى (2002), ماحامبەت اتىنداعى (2003), «اسىل مۇرا» اتتى (2004), مۇرات وسكەنباەۆ اتىنداعى (2006) ت.ب. رەسپۋبليكالىق كونكۋرستاردىڭ باس جۇلدەگەرى، داۋىلپاز كۇيشى قارشىعا احمەدياروۆتىڭ كلاسىندا ءتالىم العان دومبىراشى.
كەش قوناقتارى: قر حالىق ءارتيسى، كۇيشى – ايگۇل ۇلكەنباەۆا، رەسپۋبليكالىق كونكۋرستاردىڭ لاۋرەاتتارى: سانجار مۇرات، توعجان دۇيسەنبەكقىزى، قىلقوبىزشى شىڭعىس ۇسەنۇلى.
مەكەن-جايى: الماتى ق.، «العاباس – 1» ىقشام اۋدانى، 6 ءۇي
بايلانىس تەل.: 8 (727) 224-89-77, 8701-645-91-86