"ياندەكس.تاكسي" قىزمەتى بۇعاتتالمايتىن بولدى

2787
Adyrna.kz Telegram

اپەللياتسيالىق سوت قازاقستانداعى "ياندەكس.تاكسي" قىزمەتىن بۇعاتتاۋ تۋرالى شەشىمنىڭ كۇشىن جويدى دەپ حابارلايدى "ادىرنا" ۇلتتىق پورتالى.

الماتى پروكۋراتۋراسى 100 مىڭ جۇرگىزۋشىنىڭ جۇمىسسىز قالۋىنا بايلانىستى اپەللياتسياعا بەرگەندەرىن حابارلادى.

"بۇگىن اپەللياتسيالىق سوت القاسى ءىستى قايتا قاراپ، پروكۋروردىڭ اپەللياتسيالىق ءوتىنىشى بويىنشا سوت شەشىمىن جويىپ، "G-taxi" جشس تالاپتارىن نەگىزسىز دەپ تانىپ، جاڭا شەشىم شىعاردى", - دەدى پروكۋراتۋرا حابارلاماسىندا.

بۇعان دەيىن قازاقستاندا سوت "ياندەكس.تاكسي" قىزمەتىنە تىيىم سالىنىپ، ونىڭ ەل اۋماعىندا بۇعاتتاۋ تۋرالى شەشىم جاسالعانى تۋرالى حابارلانعان ەدى.

"ادىرنا" ۇلتتىق پورتالى.

پىكىرلەر