ەلىمىزدە الداعى ۋاقىتتا حالىقارالىق رەيستەردەن بولەك، ەل ىشىندە ۇشاق، پويىزبەن قاتىنايتىن جولاۋشىلار ءۇشىن پتر تەست تاپسىرۋ مىندەتتەلۋى مۇمكىن. مۇنداي بولجامدى ۆيتسە-پرەمەر ەرالى توعجانوۆ جاسادى. شەنەۋنىكتىڭ سوزىنشە، قاتاڭ شارالارعا بارۋعا نۇر-سۇلتان مەن الماتى قالالارىندا انىقتالعان «ءۇندى شتامى» سەبەپ بولىپ وتىر ەكەن. بىراق ءالى ناقتى ەرەجە بەكىتىلگەن جوق. سونداي-اق ەرالى توعجانوۆ كارانتين تالاپتارىنىڭ كۇشەيتىلەتىنىن مالىمدەدى. كوروناۆيرۋسقا قاتىستى سوڭعى دەرەكتەرمەن ءبولىسۋ ءۇشىن ارىپتەسىم قايىركەن وتىنشى ستۋديامەن تىكەلەي بايلانىسقا شىقتى. بۇل تۋرالى «ادىرنا» ۇلتتىق پورتالى «ەۋرازيا» ءبىرىنشى ارناسىنا سىلتەمە جاساپ حابارلايدى.
«كەش جارىق، عالىم. يا، جاڭا عانا ورتالىق كوممۋنيكاتسيالار قىزمەتىندە ۆەدومستۆوارالىق كوميسسيانىڭ مۇشەلەرى ءباسپاسوز جيىنىن وتكىزدى. سونىمەن، بۇعان دەيىن ەرىكتى تۇردە سالىنادى دەگەن ۆاكتسينا ءاپ ساتتە مىندەتتى شاراعا اينالىپ شىعا كەلدى. ەرالى توعجانوۆتىڭ سوزىنشە، الدىمەن قىزمەت كورسەتۋ سالاسىندا ەڭبەك ەتەتىن ازاماتتار كوروناۆيرۋسقا قارسى ەكپە الۋعا ءماجبۇر بولادى. بۇل شارالارعا جاۋاپتىلار ەل اۋماعىندا مۋتاتسيالىق شتام انىقتالعان سوڭ بارىپ وتىر ەكەن. بىراق باس تارتقاندارعا ايىپپۇل سالىنبايدى»، - دەيدى ءتىلشى قايىركەن وتىنشى.
«كەشە عانا ۆەدومستۆو ارالىق كوميسسيانىڭ ناقتى شەشىمى شىقتى. سول شەشىم بويىنشا وسى سفەرا ۋسلۋگ دەيمىز سونىڭ اينالاسىندا جۇمىس جاسايتىن ازاماتتاردىڭ ءبارى مىندەتتى تۇردە ۆاكتسينا الۋ كەرەك. ەگەر دارىگەرلىك قاراما قايشىلىقتار بولاتىن بولسا، ول جەردە ەشقانداي سۇراق بولمايدى. ەگەر باس تارتاتىن جاعدايدا بولاتىن بولسا، ولاردىڭ بارلىعى مىندەتتى تۇردە جۇماسىنا ءبىر رەت پتسر ءوتۋ كەرەك»، - دەيدى قر پرەمەر-ءمينيسترىنىڭ ورىنباسارى ەرالى توعجانوۆ.
سونداي-اق ەلدەگى ۆاكتسيناتسيالاۋ قارقىنى ۆەدومستۆو ارالىق كوميسسيا مۇشەلەرىنىڭ كوڭىلدەرىنەن شىقپاي وتىر ەكەن. الداعى ەكى اپتادا پرەپاراتتىڭ 2 ملن دوزاسى دايىندالماق. ال كوروناۆيرۋسقا قارسى ۆاكتسينا سالدىرۋ بويىنشا ەلوردا كوش سوڭىندا قالىپ قويىپتى. جاۋاپتىلار كارانتين شارالارىن كۇشەيتۋ ارقىلى، كۇنىنە 70 مىڭعا جۋىق ازاماتقا ەكپە ەگۋدى جوسپارلاپ وتىر.
«بۇل قاۋىپتى مۋتاتسياعا ۇشىراعان شتامداردان ءوزىن-ءوزى قورعاۋدىڭ قاراپايىم ءبىر عانا جولى بار. ودان باسقا شارالاردى ءالى الەم ەلدەرى ويلاپ تاپقان جوق. ۆيرۋس جۇعۋ قاۋپىن تومەندەتۋ ءۇشىن ۆاكتسينا سالدىرۋ قاجەت. سوندىقتان، مەن تاعى دا بارشا قازاقستاندىقتارعا ەكپە الۋعا كەڭەس بەرەمىن. ءوزىڭىزدى جانە جاقىن ادامدارىڭىزدىڭ دەنساۋلىعىن ويلاڭىز»، - دەيدى قر پرەمەر-ءمينيسترىنىڭ ورىنباسارى ەرالى توعجانوۆ.
«سونداي-اق بۇكىل الەمدى شۋلاتقان كوروناۆيرۋستىڭ «دەلتا» نەمەسە «ءۇندى شتامى» الماتىدان دا انىقتالدى. وڭتۇستىك شاھاردا Covid-19 جۇقتىرعانداردىڭ سىناماسىنان مۋتاتسياعا ۇشىراعان ءتۇرى تابىلعان كورىنەدى. ودان بولەك، قالانىڭ باس سانيتار دارىگەرى العاش رەت «نيۋ-يورك» شتامى دا قالادا تابىلۋى مۇمكىن دەگەن بولجام جاسادى»، - دەيدى ءتىلشى قايىركەن وتىنشى.
«كەشە ءبىز تاعى زەرتتەگەن كەزدە 9 سىنامانىڭ ءبىر سىناماسىندا «شتام دەلتا»، «ءۇندىستان شتامى» دەيمىز سول انىقتالدى. ءبىز ەكى رەت ونى جاسادىق. بۇگىن تاعى تاڭەرتەڭنەن باستاپ كونترولدىق زەرتتەۋ جاساعان كەزدە ءبىز تولىعىمەن انىقتادىق.
ايتا كەتەيىن، كۇنى كەشە باس قالادا كوروناۆيرۋس جۇقتىرعان 55 ناۋقاستان قوسىمشا سىناما العان ماماندار، 30 ادامنان «ءۇندى» شتامىنىڭ مۋتاتسيالانعان ءتۇرىن انىقتاپتى. قازىر ىندەت جابىسقان جاندار ستاتسيونارلاردا ەم قابىلداپ جاتىر. دارىگەرلەر بۇل شتامنىڭ جۇعۋ كورسەتكىشىن وتە جوعارى دەپ باعالادى»، - دەيدى الماتى قالاسىنىڭ باس مەملەكەتتىك سانيتار دارىگەرى جانداربەك بەكشين.
سونىمەن قاتار الەكسەي تسوي وسى ماسەلەگە قاتىستى ويىمەن ءبولىستى.
«ءبىز بۇعان دەيىن ايتقانىمىداي ۆيرۋستىڭ مۋتاتسيالانعان ءتۇرى بولعاندىقتان ناۋقاستاردا جاڭا سيمتومدار پايدا بولدى. ول ءىشى ءوتۋ، جۇرەكتىڭ اينۋى، قۇسۋ، ەستۋ قابىلەتىنىڭ تومەندەۋى سىندى بەلگىلەر. بۇل شتامدار ادامدارعا تەز جۇعادى. قازىر، اۋرۋ قارقىنى ورتاشا دەپ باعالاپ وتىرمىز. الداعى ۋاقىتتا، ناۋقاستاردىڭ دەنساۋلىعىن ءجىتى باقىلايمىز»، - دەيدى قر دەنساۋلىق ساقتاۋ ءمينيسترى الەكسەي تسوي.
"ادىرنا" ۇلتتىق پورتالى
