Elimizde aldaǵy ýaqytta halyqaralyq reısterden bólek, el ishinde ushaq, poıyzben qatynaıtyn jolaýshylar úshin PTR test tapsyrý mindettelýi múmkin. Mundaı boljamdy vıe-premer Eraly Toǵjanov jasady. Sheneýniktiń sózinshe, qatań sharalarǵa barýǵa Nur-Sultan men Almaty qalalarynda anyqtalǵan «Úndi shtamy» sebep bolyp otyr eken. Biraq áli naqty ereje bekitilgen joq. Sondaı-aq Eraly Toǵjanov karantın talaptarynyń kúsheıtiletinin málimdedi. Koronavırýsqa qatysty sońǵy derektermen bólisý úshin áriptesim Qaıyrken Otynshy stýdııamen tikeleı baılanysqa shyqty. Bul týraly «Adyrna» ulttyq portaly «Eýrazııa» birinshi arnasyna silteme jasap habarlaıdy.
«Kesh jaryq, Ǵalym. Iıa, jańa ǵana ortalyq kommýnıkaııalar qyzmetinde vedomstvoaralyq komıssııanyń músheleri baspasóz jıynyn ótkizdi. Sonymen, buǵan deıin erikti túrde salynady degen vakına áp sátte mindetti sharaǵa aınalyp shyǵa keldi. Eraly Toǵjanovtyń sózinshe, aldymen qyzmet kórsetý salasynda eńbek etetin azamattar koronavırýsqa qarsy ekpe alýǵa májbúr bolady. Bul sharalarǵa jaýaptylar el aýmaǵynda mýtaııalyq shtam anyqtalǵan soń baryp otyr eken. Biraq bas tartqandarǵa aıyppul salynbaıdy», - deıdi tilshi Qaıyrken Otynshy.
«Keshe ǵana vedomstvo aralyq komıssııanyń naqty sheshimi shyqty. Sol sheshim boıynsha osy sfera ýslýg deımiz sonyń aınalasynda jumys jasaıtyn azamattardyń bári mindetti túrde vakına alý kerek. Eger dárigerlik qarama qaıshylyqtar bolatyn bolsa, ol jerde eshqandaı suraq bolmaıdy. Eger bas tartatyn jaǵdaıda bolatyn bolsa, olardyń barlyǵy mindetti túrde jumasyna bir ret PR ótý kerek», - deıdi QR premer-mınıstriniń orynbasary Eraly Toǵjanov.
Sondaı-aq eldegi vakınaııalaý qarqyny vedomstvo aralyq komıssııa músheleriniń kóńilderinen shyqpaı otyr eken. Aldaǵy eki aptada preparattyń 2 mln dozasy daıyndalmaq. Al koronavırýsqa qarsy vakına saldyrý boıynsha Elorda kósh sońynda qalyp qoıypty. Jaýaptylar karantın sharalaryn kúsheıtý arqyly, kúnine 70 myńǵa jýyq azamatqa ekpe egýdi josparlap otyr.
«Bul qaýipti mýtaııaǵa ushyraǵan shtamdardan ózin-ózi qorǵaýdyń qarapaıym bir ǵana joly bar. Odan basqa sharalardy áli álem elderi oılap tapqan joq. Vırýs juǵý qaýpin tómendetý úshin vakına saldyrý qajet. Sondyqtan, men taǵy da barsha qazaqstandyqtarǵa ekpe alýǵa keńes beremin. Ózińizdi jáne jaqyn adamdaryńyzdyń densaýlyǵyn oılańyz», - deıdi QR premer-mınıstriniń orynbasary Eraly Toǵjanov.
«Sondaı-aq búkil álemdi shýlatqan koronavırýstyń «Delta» nemese «Úndi shtamy» Almatydan da anyqtaldy. Ońtústik shaharda Covid-19 juqtyrǵandardyń synamasynan mýtaııaǵa ushyraǵan túri tabylǵan kórinedi. Odan bólek, qalanyń bas sanıtar dárigeri alǵash ret «Nıý-Iork» shtamy da qalada tabylýy múmkin degen boljam jasady», - deıdi tilshi Qaıyrken Otynshy.
«Keshe biz taǵy zerttegen kezde 9 synamanyń bir synamasynda «Shtam Delta», «Úndistan shtamy» deımiz sol anyqtaldy. Biz eki ret ony jasadyq. Búgin taǵy tańerteńnen bastap kontroldyq zertteý jasaǵan kezde biz tolyǵymen anyqtadyq.
Aıta keteıin, kúni keshe bas qalada koronavırýs juqtyrǵan 55 naýqastan qosymsha synama alǵan mamandar, 30 adamnan «Úndi» shtamynyń mýtaııalanǵan túrin anyqtapty. Qazir indet jabysqan jandar staıonarlarda em qabyldap jatyr. Dárigerler bul shtamnyń juǵý kórsetkishin óte joǵary dep baǵalady», - deıdi Almaty qalasynyń bas memlekettik sanıtar dárigeri Jandarbek Bekshın.
Sonymen qatar Alekseı oı osy máselege qatysty oıymen bólisti.
«Biz buǵan deıin aıtqanymydaı vırýstyń mýtaııalanǵan túri bolǵandyqtan naýqastarda jańa sımtomdar paıda boldy. Ol ishi ótý, júrektiń aınýy, qusý, estý qabiletiniń tómendeýi syndy belgiler. Bul shtamdar adamdarǵa tez juǵady. Qazir, aýrý qarqyny ortasha dep baǵalap otyrmyz. Aldaǵy ýaqytta, naýqastardyń densaýlyǵyn jiti baqylaımyz», - deıdi QR densaýlyq saqtaý mınıstri Alekseı oı.
"Adyrna" ulttyq portaly
