2021 جىلعى 23 ماۋسىمدا «الاتاۋ» ءداستۇرلى ونەر تەاترىندا «التىباقان» ويىن-ساۋىق ءان كەشى (تەاتر ديرەكتورى: رينات زايتوۆ، قويۋشى-رەجيسسەر: جۇلدىزبەك جۇمانباي) ءوتتى.
«ءتىل جەتكىزبەستى ءان جەتكىزەرى دە بار»، – دەيدى عابيت مۇسىرەپوۆ. ءاننىڭ دە ءوز قۇدىرەتى بار ەكەنى ءسوزسىز. ۇلتىمىزدىڭ ماقتانىش ەتەر اسىل مۇراسى، رۋحاني جادىگەرلەرى ىشىندە زامانا سۇزگىسىنەن ءوتىپ، بۇگىنگى ۇرپاققا جەتكەن قازاقتىڭ ءداستۇرلى ءان ونەرىندە ورىنداۋشىلىق، اۋەندىك، قۇرىلىمدىق ەرەكشەلىكتەرىنە بايلانىستى شارتتى تۇردە بىرنەشە مەكتەپ قالىپتاسقانىن بىلەمىز. بۇل كەشتە بەس مەكتەپ بويىنشا (ارقا، جەتىسۋ، باتىس، سىر، التاي-تارعىباتاي) پوپۋري ايتىلدى. كوكباي جاناتايۇلىنىڭ سوزىنە جازىلعان الاش ورداشىلاردىڭ گيمنى دە شىرقالعانىن ەرەكشە اتاپ وتكەن ءجون:
قازاعىم قاقتىقپا، قامالما،
ەل بولار قامىڭدى امالدا.
پارتيا، سۇرقيا، قىم-قيعىش،
پەيلى ارام، كوپ نادان، سەندە دە.
جاتقا جەم، باي ەدىڭ، كەڭ ەدىڭ،
قولىڭدا بيلىك جوق ەل ەدىڭ.
قانى جات، ءدىنى جات، جات ەلدەن،
تاياقتى جەپ ەدىڭ، جەپ ەدىڭ.
قازاعىم ءبىرىڭدى ءبىرىڭ دوس،
كورمەسەڭ بۇل ءىستىڭ ءبارى بوس.
دەدى اباي، بۇل قالاي، شۋلاماي،
باسىڭ قوس، باسىڭ قوس، باسىڭ قوس.
سونداي-اق تەاترىمىزدىڭ تولىق شىعارماشىلىق توبى (70-كە جۋىق ارتيست) قاتىسقان «التىباقان» ويىن-ساۋىق ءان كەشىندە الاتاۋ فولكلورلىق ءانسامبلى مەن «كوكبالاق»، «مەرەكە-دۋمان» بيلەرىن ورىنداعان بيشىلەرىمىز ونەر كورسەتتى.
ءداستۇرلى ونەردى دارىپتەي بىلەيىك!
قۋانىش جۇمابەكۇلى
PhD دوكتورى،
«الاتاۋ» ءداستۇرلى ونەر تەاترىنىڭ
ادەبيەت ءبولىمىنىڭ باسشىسى
