ءوز-وزىنە قول جۇمساعان سارباز تۋرالى تىڭ اقپارات شىقتى

582

الەۋمەتتىك جەلىلەردە قر ۇلتتىق ۇلانىنىڭ 5517 اسكەري بولىمىندە مەرزىمدى اسكەري بورىشىن وتەگەن سارباز ەركەبۇلان سەيىلحانوۆتىڭ قايتىس بولۋى مەن ونى جەرلەۋگە قاتىستى تارالعان اقپاراتتى ەسكەرە وتىرىپ، قر قورعانىس مينيسترلىگى تومەندەگىنى حابارلايدى.

ورال قالاسىندا ورنالاسقان 5517 اسكەري ءبولىمى قورعانىس مينيسترلىگىنىڭ بولىمدەرى مەن قۇرامالارىنا جاتپايدى. سول سەبەپتى قورعانىس مينيسترلىگى ۇلتتىق ۇلان اسكەري قىزمەتشىسىنىڭ قانداي جاعدايدا قايتىس بولعانى تۋرالى اقپارات بەرە المايدى. قورعانىس مينيسترلىگىنىڭ اسكەري قىزمەتشىلەرى قايتىس بولعان ەركەبۇلان سەيىلوۆتىڭ دەنەسىن جەتكىزۋ مەن جەرلەۋ راسىمدەرىنە قاتىسقان جوق.

سونىمەن قاتار، قورعانىس مينيسترلىگىنىڭ رەسمي Telegram-كانالى ارقىلى اسكەري ۆەدومستۆو باسشىلىعىنىڭ جانە اقتوبە وبلىسى قورعانىس ىستەرى جونىندەگى دەپارتامەنتىنىڭ اتىنان قايعىلى جاعدايدا قايتىس بولعان ساربازدىڭ تۋىستارى مەن جاقىندارىنا كوڭىل ايتامىز.

وزىنە-ءوزى قول جۇمساۋ – قوعامدىق دەنساۋلىق پەن الەۋمەتتىك ءال-اۋقاتتىڭ وزىندىك كورسەتكىشى. بۇل جەكە ۇجىمنىڭ عانا ەمەس، قازىرگى قوعامنىڭ دا، ونىڭ ىشىندە اسكەري ۇجىمنىڭ دا وزەكتى ماسەلەسى.

ەل قارۋلى كۇشتەرىنىڭ اسكەري ۇجىمدارىندا قولايلى پسيحولوگيالىق احۋالدى قالىپتاستىرۋعا كەشەندى شارالار قابىلدانۋدا. ولار اسكەري قىزمەتشىلەردىڭ جوعارى مورالدىق جانە جاۋىنگەرلىك رۋحىن قولداۋعا، بەيبىت ۋاقىتتا قايعىلى جاعدايلار مەن جاۋىنگەرلىك ەمەس شىعىنداردى ازايتۋعا باعىتتالعان.

 

پىكىرلەر
رەداكتسيا تاڭداۋى