Óz-ózine qol jumsaǵan sarbaz týraly tyń aqparat shyqty

577

Áleýmettik jelilerde QR Ulttyq ulanynyń 5517 áskerı bóliminde merzimdi áskerı boryshyn ótegen sarbaz Erkebulan Seıilhanovtyń qaıtys bolýy men ony jerleýge qatysty taralǵan aqparatty eskere otyryp, QR Qorǵanys mınıstrligi tómendegini habarlaıdy.

Oral qalasynda ornalasqan 5517 áskerı bólimi Qorǵanys mınıstrliginiń bólimderi men quramalaryna jatpaıdy. Sol sebepti Qorǵanys mınıstrligi Ulttyq ulan áskerı qyzmetshisiniń qandaı jaǵdaıda qaıtys bolǵany týraly aqparat bere almaıdy. Qorǵanys mınıstrliginiń áskerı qyzmetshileri qaıtys bolǵan Erkebulan Seıilovtiń denesin jetkizý men jerleý rásimderine qatysqan joq.

Sonymen qatar, Qorǵanys mınıstrliginiń resmı Telegram-kanaly arqyly áskerı vedomstvo basshylyǵynyń jáne Aqtóbe oblysy Qorǵanys isteri jónindegi departamentiniń atynan qaıǵyly jaǵdaıda qaıtys bolǵan sarbazdyń týystary men jaqyndaryna kóńil aıtamyz.

Ózine-ózi qol jumsaý – qoǵamdyq densaýlyq pen áleýmettik ál-aýqattyń ózindik kórsetkishi. Bul jeke ujymnyń ǵana emes, qazirgi qoǵamnyń da, onyń ishinde áskerı ujymnyń da ózekti máselesi.

El Qarýly Kúshteriniń áskerı ujymdarynda qolaıly psıhologııalyq ahýaldy qalyptastyrýǵa keshendi sharalar qabyldanýda. Olar áskerı qyzmetshilerdiń joǵary moraldyq jáne jaýyngerlik rýhyn qoldaýǵa, beıbit ýaqytta qaıǵyly jaǵdaılar men jaýyngerlik emes shyǵyndardy azaıtýǵa baǵyttalǵan.

 

Pikirler
Redakııa tańdaýy