جاقىندا وتكەن جاڭا تەحنولوگيالاردىڭ كورمەسى سانالاتىن WWDC كونفەرەنتسياسىندا Apple كومپانياسىندا ءوز تۇتىنۋشىلارىن تاڭ قالدىراتىن بىرنەشە جاڭالىقتارمەن ءبولىستى. سونىڭ ىشىندە ەلدى iOS 15 قوسىمشاسىنا بايلانىستى جاڭالىقتار ەلەڭ ەتكىزدى. Apple-دىڭ بيىلعى باستى جاڭالىعى، كومەكشى Siri تولىعىمەن ينتەرنەتتەن ازات ەتىلەدى. ياعني كەز-كەلگەن تۇتىنۋشى Siri-ءدى ينتەرنەتسىز جاعدايدا دا تولىعىمەن پايدالانا الادى.
بۇدان بولەك Apple iOS 15 قوسىمشاسى ارقىلى ءوز مۇمكىندىكتەرىن كوبەيتە بەرمەك، كومپانيا تۇتىنۋشىلاردىڭ Siri-گە ايتاتىن داۋىستىق كوماندالاردىڭ قولدانۋشىنىڭ قالاۋىنا قاراي ساقتاپ وتىرۋ فۋنكتسياسىن ىسكە قوسۋدى ۇيىمداستىرۋدا. بۇل داۋىستىق كوماندالار بارىنشا كونفەدەنتسيالدى تۇردە ساقتالاتىنىنا ۋادە بەردى. بۇل نوۋ-حاۋلار تۇتىنۋشىنىڭ سمارتفونمەن بايلانىسىن ودان سايىن سەنىمدى قىلا تۇسپەك دەيدى Apple-دىقتار.
ءوندىرۋشى تاراپتىڭ ايتۋىنشا بۇل فۋنكتسيالار اعىمداعى جىلدىڭ كۇز مەزگىلىندە ىسكە قوسىلماق.