ءماجىلىس دەپۋتاتى داريعا نازارباەۆا جەكەمەنشىك بالاباقشا پەداگوگتەرىنىڭ جالاقىسىن ارتتىرۋ ماسەلەسىن تاعى ءبىر مارتە كوتەردى، دەپ حابارلايدى «ادىرنا» ءتىلشىسى.
ول پرەمەر-مينيستر اسقار مامينگە دەپۋتاتتىق ساۋال جولدادى.
10 اقپاندا ءماجىلىس دەپۋتاتتارى جەكەمەنشىك مەكتەپكە دەيىنگى ءبىلىم بەرۋ ۇيىمدارىندا مەملەكەتتىك ءبىلىم بەرۋ تاپسىرىسىن ىسكە اسىرۋ، اتاپ ايتقاندا، ولاردىڭ جەتكىلىكسىز قارجىلاندىرىلۋىنا قاتىستى ماسەلەنى كوتەرگەن بولاتىن.
«نورماتيۆتىك قارجىلاندىرۋ كولەمىندە جەرگىلىكتى بيۋدجەت قاراجاتىنىڭ جەتكىلىكسىزدىگى ماسەلەسى بار وبلىستاردىڭ اكىمدىكتەرى وسى جىلى رەسپۋبليكالىق بيۋدجەتتەن قوسىمشا قاراجات بولۋگە بيۋدجەتتىك وتىنىمدەر جىبەردى. الايدا ءتيىستى اعىمداعى نىسانالى ترانسفەرتتەر بولىنبەدى. نە سەبەپتى بۇل قارجىلاندىرۋ 2021 جىلعا ارنالعان رەسپۋبليكالىق بيۋدجەتتى ناقتىلاۋ كەزىندە ەسكەرىلمەدى؟»— دەپ ساۋال تاستادى نازارباەۆا.
ايتا كەتەيىك، بۇعان دەيىن دەپۋتات جەكەمەنشىك بالاباقشالارعا كوبىرەك كوڭىل ءبولىنۋى كەرەك ەكەنىن ايتقان ەدى.
«ادىرنا» ۇلتتىق پورتالى
