قازاقستان پرەمەر-ءمينيسترىنىڭ اكەسى ۇزاقباي مامين قايتىس بولدى، دەپ حابارلايدى «ادىرنا» ءتىلشىسى قازاقستان ۇكىمەتىنىڭ ءباسپاسوز قىزمەتىنە سىلتەمە جاساپ.
ۇزاقباي جاپارۇلى 2021 جىلى 13 ماۋسىمدا قايتىس بولدى. ۇزاقباي مامين - ەڭبەك ارداگەرى، قازاقستاننىڭ قۇرمەتتى قۇرىلىسشىسى، اقمولا وبلىسىنىڭ قۇرمەتتى ازاماتى. ول 1937 جىلى 1 ناۋرىزدا اقمولا وبلىسى، ەرەيمەنتاۋ اۋدانى، بلاگوداتنوە اۋىلىندا دۇنيەگە كەلگەن. اسقار ءماميننىڭ اكەسى قۇرىلىس سالاسىندا شەبەر بولۋدان باستاپ "تسەلينوگرادەلەۆاتورمەلستروي", "تسەلينسانتەحمونتاج" ترەستەرى، تسەلينوگراد وبلىسىنىڭ اگروونەركاسىپتىك كوميتەتىنىڭ قۇرىلىس كەشەنى سياقتى بىرقاتار قۇرىلىس ۇيىمدارىنىڭ باسشىسىنا دەيىنگى ۇزاق ەڭبەك جولىنان ءوتتى. ەرەن ەڭبەگى مەن جۇمىستاعى جەتىستىكتەرى ءۇشىن حالىقتار دوستىعى جانە "قۇرمەت" وردەندەرىمەن ماراپاتتالعان. كەيىنگى جىلدارى نۇر-سۇلتان قالاسىنىڭ ارداگەرلەر كەڭەسىندە بەلسەندى ەڭبەك ەتتى.
«ادىرنا» ۇلتتىق پورتالى
