ەسكەرتكىش ەلەكتروندى بۇيىمداردىڭ قالدىقتارىنان دايىندالعان. وسىلايشا اۆتورلار الەمدەگى ەكونوميكاسى وزىق ەل باسشىلارىنىڭ نازارىن قايتا وڭدەۋ ماسەلەسىنە اۋدارعىسى كەلەدى، دەپ حابارلايدى “ادىرنا” ۇلتتىق پورتالى Nege.kz سايتىنا سىلتەمە جاساپ.
سۋرەتشىلەر ءمۇسىندى جاساۋعا ءتۇرلى تەحنيكانىڭ 20 مىڭداي بولشەگى جۇمسالعانىن ايتادى.
بىرىككەن ۇلتتار ۇيىمىنىڭ مالىمەتى بويىنشا الەمدە جىل سايىن 53 ميلليون ەلەكتروندى قوقىس تاستالادى. ساراپشىلار 2050 جىلعا قاراي اتالعان قالدىق سانى 2 ەسە ارتاتىنىن ەسكەرتەدى.
دجو راش، سۋرەتشى:
«ۇلكەن جەتىلىك» ەلدەرىنىڭ باسشىلارى ماسەلەنى ءبىر-بىرىنە سىلتەي بەرمەي، ءوزارا اشىق سويلەسىپ، قوقىس زاتتاردى قايتا وڭدەۋگە ارنالعان بىرەگەي جوبا جاساسا دەيمىن. ەلەكتروندى زاتتاردى كەيىن كەرەكسىز قالدىققا اينالاتىنداي كوپ كولەمدە شىعارۋدىڭ ەش قاجەتى جوق. بۇل ماسەلەلەردى ءار ەل جەكە ەمەس، عالامدىق اۋقىمدا شەشۋ كەرەك.
