اقتوبە قالاسىندا جول-كولىك وقيعاسىنان ءۇش ادام كوز جۇمدى دەپ حابارلايدى "ادىرنا" ۇلتتىق پورتالىنىڭ ءتىلشىسى.
8 ماۋسىم كۇنى تۇستەن كەيىن ساعات 16.00-دە "ۆاز 2110" ماركالى اۆتوكولىگىنىڭ 55 جاستاعى جۇرگىزۋشىسى ك.نوكين داڭعىلى مەن شەرنياز كوشەسىنىڭ قيىلىسىندا ەكىنشى كەزەكتەگى جولدان شىعۋ كەزىندە باستى جولعا جاقىنداعان كولىككە جول بەرمەي، "زيل 130"ماركالى جۇك كولىگىمەن سوقتىعىسقان.
جول-كولىك وقيعاسى سالدارىنان "ۆاز-2110" اۆتوكولىگىنىڭ جۇرگىزۋشىسى مەن ەكى جولاۋشى (19 جاستاعى قىز بەن 62 جاستاعى ايەل) وقيعا ورنىندا كوز جۇمدى. سونىمەن قاتار، تاعى ەكى جولاۋشى مەن 1 جاستاعى بالا دەنە جاراقاتىن الىپ، مەديتسينالىق مەكەمەگە جەتكىزىلدى.
"ادىرنا" ۇلتتىق پورتالى.
ۇقساس جاڭالىقتار
