Ashyq سەرۆيسى Halyk Homebank قوسىمشاسىندا قولجەتىمدى

35440

پاندەميا جاعدايىنا بايلانىستى قوعامدىق ورىنداردا "Ashyq"سەرۆيسى الدەقاشان ىسكە قوسىلعان بولاتىن. "Ashyq" سەرۆيسى QR-كود كومەگىمەن جانە دەنساۋلىق ساقتاۋ مينيسترلىگىنىڭ ورتاق بازاسىمەن ينتەگراتسيالاۋ ارقىلى كەلۋشىنىڭ مارتەبەسىن، ونىڭ ۆيرۋس تاسىمالدامايتىنىن انىقتاپ بەرەدى. "ادىرنا" ۇلتتىق پورتالى قازاقستاندا تاعى دا وڭ وزگەرىس ورىن الىپ، جاڭا جوبا ىسكە قوسىلعانىن حابارلايدى.

قوعامدىق ورىندارعا كىرۋ ءۇشىن ەندى Ashyq سەرۆيسى بار Halyk Homebank قوسىمشاسىن پايدالانۋعا بولادى. جوبا قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ ىسكە اسىرىلعان. ايتا كەتەيىك، Halyk Bank كليەنتتەرى ءۇشىن Halyk Homebank قوسىمشاسىندا Ashyq سەرۆيسىن قوسۋ جانە ءوشىرۋ مۇمكىندىگى ەنگىزىلگەن ەدى. ياعني  Halyk Homebank قوسىمشاسىنداعى Ashyq سەرۆيسىن قولدانا ما، الدە جوق پا بانك كليەنتىنىڭ ءوز ەركىندە بولماق. الايدا قازىرگى ۋاقىتتا فۋنكتسيونال Android پايدالانۋشىلارى ءۇشىن قولجەتىمدى، iOS پايدالانۋشىلارى ءۇشىن – جاقىن ارادا پايدا بولادى.

"Ashyq" سەرۆيسى ەندى Halyk Homebank قوسىمشاسىنا ەنگىزىلدى. بۇل تانىمال قوسىمشانى قولداناتىن 6,5 ميلليوننان استام ەل ازاماتى دەنساۋلىعىنا قاۋىپ توندىرمەي، قوعامدىق ورىندارعا بارۋ مۇمكىندىگىن الدى دەگەن ءسوز .

جوبا قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ ىسكە قوسىلدى. مەملەكەتتىك ورگاندارمەن وسىنداي بىرلەسە اتقارعان جۇمىس جانە Halyk Bank-تە ىسكە قوسىلاتىن تەحنولوگيالاردىڭ ارقاسىندا بانك كليەنتتەرىنىڭ مۇمكىندىكتەرى ۇنەمى كەڭەيىپ وتىراتىن بولادى. Halyk Homebank قوسىمشاسىن جانە وعان بىرىكتىرىلگەن Ashyq سەرۆيسىن پايدالانا وتىرىپ، قازاقستاندىقتار سۇيىكتى ورىندارىنا كەدەرگىسىز بارا الادى، - دەيدى Halyk Bank باسقارما ءتورايىمى ءۇمىت شاياحمەتوۆا.

Halyk Bank ءوز كليەنتتەرى ءۇشىن ارنايى Halyk Homebank قوسىمشاسىندا Ashyq سەرۆيسىن قوسۋ جانە ءوشىرۋ مۇمكىندىگىن ەنگىزدى. سەرۆيستى ىسكە قوسۋ نەمەسە ونى قوسىمشادا ءوشىرۋ – بانك كليەنتىنىڭ ءوز ەركىندە. ەگەر كليەنت Ashyq سەرۆيسىن قولدانامىن دەپ شەشىم قابىلداسا، وندا قاجەتتى مەكەمەگە بارۋ كەزىندە Halyk Homebank قوسىمشاسىن اشىپ، فۋنكتسيونالدى قوسۋ ارقىلى مەكەمەنىڭ كىرە بەرىسىندە ورنالاسقان Ashyq باعدارلاماسىنىڭ QR-كودىن سكانەرلەۋ قاجەت. نىسانعا كىرۋگە رۇقسات بەرەتىن ءتيىستى مارتەبە كورسەتىلگەننەن كەيىن مەكەمە قىزمەتكەرىنە كىرۋگە رۇقسات مارتەبەسىن كورسەتۋى كەرەك.

ءبىز پاندەميا كەزىندە بيزنەسكە كوبىرەك مۇمكىندىك بەرۋ جانە حالىق اراسىندا ۆيرۋس جۇقتىرۋ قاۋپىنىڭ تومەندەۋىنە ىقپال ەتۋگە دەگەن نيەتىمىزدى Halyk Bank باسشىلىعى قولدادى. ەندى Ashyq سەرۆيسىن Halyk Homebank قوسىمشاسىندا قولدانۋعا بولادى. بانكتىڭ بيزنەستى قولداۋ تۋرالى ءبىزدىڭ ۇسىنىسىمىزدى قابىلداعانى جوعارى الەۋمەتتىك جاۋاپكەرشىلىگىن بىلدىرەدى! ءىرى كوممەرتسيالىق قۇرىلىمدارمەن ىنتىماقتاستىق مەملەكەتتىك قىزمەتتەردىڭ ۇسىنىلۋىن جاڭا دەڭگەيگە شىعارۋعا مۇمكىندىك بەرەدى، - دەپ اتاپ ءوتتى يننوۆاتسيالار جانە اەروعارىش قىزمەتى تسيفرلاندىرۋ ءمينيسترى باعدات مۋسين.

سونىمەن قاتار Halyk Homebank قوسىمشاسى ارقىلى QR سايكەستەندىرۋدى قاجەت ەتپەي-اق كەز كەلگەن ۋاقىتتا ءوز مارتەبەسىن تەكسەرۋگە مۇمكىندىك بەرەدى. ول ءۇشىن Halyk Homebank قوسىمشاسىنا كىرىپ، باستى بەتتەگى Ashyq ءبولىمىن تاڭداۋ قاجەت. قوعامدىق ورىندارعا كىرۋگە رۇقسات بەرەتىن نەمەسە شەكتەيتىن مارتەبە سمارتفون ەكرانىندا كورسەتىلەدى.

قازىرگى ۋاقىتتا قوسىمشادا بەرىلگەن مارتەبەنىڭ 4 دەڭگەيى بار:

  • قاۋىپسىز - ەشقانداي شەكتەۋلەر جوق، پتر تەستى تەرىس
  • بەيتاراپ - شەكتەۋلەر تەك پتر سىناعى قاجەت ەتەتىن جەرلەردە عانا
  • بايلانىس - وبەكتىلەرگە بارۋدى ءىشىنارا شەكتەۋ
  • جۇقتىرعان - قوعامدىق ورىندارعا بارۋعا رۇقسات ەتىلمەيدى. پتر سىناعى وڭ.

سەرۆيستى پايدالانۋ ءۇشىن Halyk Homebank قوسىمشاسىن جاڭارتۋ  وتە ماڭىزدى. جاقىندارىمىزعا جاناشىر بولعىمىز كەلسە، اۋەلى وزىمىزدەن باستاعانىمىز ابزال.

"ادىرنا" ۇلتتىق پورتالى

 

پىكىرلەر
رەداكتسيا تاڭداۋى