Pandemiia jaǧdaiyna bailanysty qoǧamdyq oryndarda "Ashyq"servisı äldeqaşan ıske qosylǧan bolatyn. "Ashyq" servisı QR-kod kömegımen jäne Densaulyq saqtau ministrlıgınıŋ ortaq bazasymen integrasiialau arqyly keluşınıŋ märtebesın, onyŋ virus tasymaldamaitynyn anyqtap beredı. "Adyrna" ūlttyq portaly Qazaqstanda taǧy da oŋ özgerıs oryn alyp, jaŋa joba ıske qosylǧanyn habarlaidy.
Qoǧamdyq oryndarǧa kıru üşın endı Ashyq servisı bar Halyk Homebank qosymşasyn paidalanuǧa bolady. Joba Qazaqstan Respublikasynyŋ sifrlyq damu, innovasiialar jäne aeroǧaryş önerkäsıbı ministrlıgımen bırlesıp ıske asyrylǧan. Aita keteiık, Halyk Bank klientterı üşın Halyk Homebank qosymşasynda Ashyq servisın qosu jäne öşıru mümkındıgı engızılgen edı. Iаǧni Halyk Homebank qosymşasyndaǧy Ashyq servisın qoldana ma, älde joq pa bank klientınıŋ öz erkınde bolmaq. Alaida qazırgı uaqytta funksional Android paidalanuşylary üşın qoljetımdı, iOS paidalanuşylary üşın – jaqyn arada paida bolady.
"Ashyq" servisı endı Halyk Homebank qosymşasyna engızıldı. Būl tanymal qosymşany qoldanatyn 6,5 millionnan astam el azamaty densaulyǧyna qauıp töndırmei, qoǧamdyq oryndarǧa baru mümkındıgın aldy degen söz .
Joba QR sifrlyq damu, innovasiialar jäne aeroǧaryş önerkäsıbı ministrlıgımen bırlesıp ıske qosyldy. Memlekettık organdarmen osyndai bırlese atqarǧan jūmys jäne Halyk Bank-te ıske qosylatyn tehnologiialardyŋ arqasynda bank klientterınıŋ mümkındıkterı ünemı keŋeiıp otyratyn bolady. Halyk Homebank qosymşasyn jäne oǧan bırıktırılgen Ashyq servisın paidalana otyryp, qazaqstandyqtar süiıktı oryndaryna kedergısız bara alady, - deidı Halyk Bank Basqarma töraiymy Ümıt Şaiahmetova.Halyk Bank öz klientterı üşın arnaiy Halyk Homebank qosymşasynda Ashyq servisın qosu jäne öşıru mümkındıgın engızdı. Servistı ıske qosu nemese ony qosymşada öşıru – bank klientınıŋ öz erkınde. Eger klient Ashyq servisın qoldanamyn dep şeşım qabyldasa, onda qajettı mekemege baru kezınde Halyk Homebank qosymşasyn aşyp, funksionaldy qosu arqyly mekemenıŋ kıre berısınde ornalasqan Ashyq baǧdarlamasynyŋ QR-kodyn skanerleu qajet. Nysanǧa kıruge rūqsat beretın tiıstı märtebe körsetılgennen keiın mekeme qyzmetkerıne kıruge rūqsat märtebesın körsetuı kerek.
Bız pandemiia kezınde bizneske köbırek mümkındık beru jäne halyq arasynda virus jūqtyru qaupınıŋ tömendeuıne yqpal etuge degen nietımızdı Halyk Bank basşylyǧy qoldady. Endı Ashyq servisın Halyk Homebank qosymşasynda qoldanuǧa bolady. Banktıŋ biznestı qoldau turaly bızdıŋ ūsynysymyzdy qabyldaǧany joǧary äleumettık jauapkerşılıgın bıldıredı! Irı kommersiialyq qūrylymdarmen yntymaqtastyq memlekettık qyzmetterdıŋ ūsynyluyn jaŋa deŋgeige şyǧaruǧa mümkındık beredı, - dep atap öttı innovasiialar jäne aeroǧaryş qyzmetı sifrlandyru ministrı Baǧdat Musin.Sonymen qatar Halyk Homebank qosymşasy arqyly QR säikestendırudı qajet etpei-aq kez kelgen uaqytta öz märtebesın tekseruge mümkındık beredı. Ol üşın Halyk Homebank qosymşasyna kırıp, basty bettegı Ashyq bölımın taŋdau qajet. Qoǧamdyq oryndarǧa kıruge rūqsat beretın nemese şekteitın märtebe smartfon ekranynda körsetıledı. Qazırgı uaqytta qosymşada berılgen märtebenıŋ 4 deŋgeiı bar:
- Qauıpsız - eşqandai şekteuler joq, PTR testı terıs
- Beitarap - Şekteuler tek PTR synaǧy qajet etetın jerlerde ǧana
- Bailanys - obektılerge barudy ışınara şekteu
- Jūqtyrǧan - qoǧamdyq oryndarǧa baruǧa rūqsat etılmeidı. PTR synaǧy oŋ.
"Adyrna" ūlttyq portaly
Ūqsas jaŋalyqtar
