رەسەي ۇلتتىق ءال-اۋقات قورىندا اقش دوللارىن ساقتاۋدان باس تارتادى. سونداي-اق ۇلىبريتانيا فۋند ستەرلينگىنىڭ ۇلەسى 10-نان 5 پروتسەنتكە تومەندەيدى دەپ حابارلايدى Adyrna.kz, kznews.kz-كە سىلتەمە جاساپ.
ۆاليۋتا قۇرىلىمىنداعى وزگەرىس الداعى ءبىر ايدا ىسكە اسادى. بۇل تۋرالى كورشى ەلدىڭ قارجى ءمينيسترى مالىمدەدى. ايتۋىنشا، قوردا اقش-تىڭ ءبىر دوللارى دا ساقتالمايدى. بۇعان دەيىن ونىڭ ۇلەسى 35 پروتسەنت بولعان ەدى.
ەسەسىنە ەۋرو مەن قىتايدىڭ يۋانىنە باسىمدىق بەرىلەدى. ياعني قارجىنىڭ 40 پروتسەنتى، ەۋرومەن 30 پروتسەنتى قىتايدىڭ ۆاليۋتاسىندا ساقتالادى. سونداي-اق العاش رەت رەسەيدىڭ ۇلتتىق ءال-اۋقات قورى 20 پروتسەنت بايلىعىن التىنمەن ساقتاۋعا بەل بايلادى.
ايتا كەتەيىك، 1 مامىرداعى مالىمەت بويىنشا رەسەيدىڭ ۇلتتىق قورىندا 13,8 تريلليون رۋبل بار. ونىڭ 40 ميللياردى اقش دوللارىمەن ساقتالعان.
قارجى مينيسترلىگىنىڭ مالىمدەمەسىنەن كەيىن رەسەي قور نارىعىندا دوللار مەن ەۋرونىڭ قۇنى ءسال تومەندەگەن. قازاقستان قور بيرجاسىندا اقش-تىڭ ءبىر دوللارى 427 تەڭگە 99 تيىن. ەۋرو 521 تەڭگە 81 تيىن. ال رەسەي ءرۋبلى 5 تەڭگە 85 تيىن دەپ بەلگىلەندى.
"ادىرنا" ۇلتتىق پورتالى
