امەريكالىق بارلاۋ قىزمەتكەرلەرى اق ۇيگە كوروناۆيرۋستىڭ شىعۋ تەگى تۋرالى قوسىمشا كومپيۋتەرلىك تالداۋدى قاجەت ەتەتىن ءالى تەكسەرىلمەگەن مالىمەت بار ەكەنىن ايتتى، دەپ حابارلايدى «ادىرنا» ۇلتتىق پورتالى tengrinews.kz سايتىنا سىلتەمە جاساپ.
New York Times گازەتى مالىمەتىنە سۇيەنسەك، قانداي دەرەكتەر تۋرالى ايتىلعانى ناقتىلانباعان. سونىمەن قاتىر، اقپارات كوزدەرىنىڭ ايتۋىنشا، بارلاۋ قىزمەتكەرلەرى ۆيرۋستىڭ پايدا بولۋىن انىقتاۋ ءۇشىن «ۇلكەن» كومپيۋتەرلىك قۋاتتاردى پايدالانۋعا ءۇمىتتى.
بەيسەنبىدە اقش پرەزيدەنتى دجو بايدەن كوروناۆيرۋستىڭ پايدا بولۋى تۋرالى ەسەپتى ءوزى بىلمەيتىن اقپارات بولماسا تولىق جاريالايتىنىن مالىمدەگەن بولاتىن.
بۇعان دەيىن اق ءۇي كوروناۆيرۋستىڭ تارالۋى عىلىمي زەرتحاناداعى اپاتقا بايلانىستى دەگەن نۇسقانى ءالى جوققا شىعارمايتىن حابارلاعان بولاتىن. حابارلامادا اقش-تىڭ بارلاۋ قاۋىمداستىعى ۆيرۋستىڭ پايدا بولۋىنىڭ ەكى نۇسقاسىن - ادامعا جانۋاردان بەرىلۋ جانە زەرتحانادان تاراۋى نۇسقاسىن قاراستىراتىنى جازىلعان. 90 كۇن ىشىندە بارلاۋ اقپاراتتى جيناۋ مەن تالداۋدى ەكى ەسە كۇشەيتىپ، كەيىن پرەزيدەنتتى حاباردار ەتۋى كەرەك. قحر-نىڭ اقش-تاعى ەلشىلىگى كوروناۆيرۋستىڭ «زەرتحانادان تاراۋ» تەورياسىن جالا دەپ سانايدى.
"ادىرنا" ۇلتتىق پورتالى
