Amerıkalyq barlaý qyzmetkerleri Aq úıge koronavırýstyń shyǵý tegi týraly qosymsha kompıýterlik taldaýdy qajet etetin áli tekserilmegen málimet bar ekenin aıtty, dep habarlaıdy «Adyrna» ulttyq portaly tengrinews.kz saıtyna silteme jasap.
New York Times gazeti málimetine súıensek, qandaı derekter týraly aıtylǵany naqtylanbaǵan. Sonymen qatyr, aqparat kózderiniń aıtýynsha, barlaý qyzmetkerleri vırýstyń paıda bolýyn anyqtaý úshin «úlken» kompıýterlik qýattardy paıdalanýǵa úmitti.
Beısenbide AQSh prezıdenti Djo Baıden koronavırýstyń paıda bolýy týraly esepti ózi bilmeıtin aqparat bolmasa tolyq jarııalaıtynyn málimdegen bolatyn.
Buǵan deıin Aq úı koronavırýstyń taralýy ǵylymı zerthanadaǵy apatqa baılanysty degen nusqany áli joqqa shyǵarmaıtyn habarlaǵan bolatyn. Habarlamada AQSh-tyń barlaý qaýymdastyǵy vırýstyń paıda bolýynyń eki nusqasyn - adamǵa janýardan berilý jáne zerthanadan taraýy nusqasyn qarastyratyny jazylǵan. 90 kún ishinde barlaý aqparatty jınaý men taldaýdy eki ese kúsheıtip, keıin prezıdentti habardar etýi kerek. QHR-nyń AQSh-taǵy elshiligi koronavırýstyń «zerthanadan taraý» teorııasyn jala dep sanaıdy.
"Adyrna" ulttyq portaly
