نۇرسۇلتان نازارباەۆ سوورونباي جەەنبەكوۆكە قىرعىز رەسپۋبليكاسىنىڭ پرەزيدەنتى بولىپ سايلانۋىنا بايلانىستى قۇتتىقتاۋ جەدەلحاتىن جولدادى. بۇل تۋرالى adyrna.kz پورتالى اقوردانىڭ ءباسپاسوز قىزمەتىنە سىلتەمە جاساپ حابارلايدى.
قازاقستان پرەزيدەنتى جەدەلحاتتا سوورونباي جەەنبەكوۆتىڭ باسشىلىعىمەن قىرعىزستان ءوزىنىڭ قارقىندى دامۋ جولىندا جاڭا تابىستارعا جەتەتىنىنە سەنىم ءبىلدىردى.
«قازاقستان مەن قىرعىزستان اراسىنداعى ءوزارا ءتيىمدى ىنتىماقتاستىققا نەگىزدەلگەن قارىم-قاتىناس ەلدەرىمىزدىڭ يگىلىگى ءۇشىن ودان ءارى دامي تۇسەدى دەپ سەنەمىن. سىزگە زور دەنساۋلىق، جاۋاپتى مەملەكەتتىك قىزمەتىڭىزدە تابىس، ال باۋىرلاس قىرعىز حالقىنا بەيبىت ءومىر مەن باق-بەرەكە تىلەيمىن»، – دەلىنگەن جەدەلحاتتا.
