قر اقپارات جانە قوعامدىق دامۋ ءمينيسترى ايدا بالاەۆا رەيتينگ قۋعان باعدارلامالار جابىلاتىنىن ورتالىق كوممۋنيكاتسيالار قىزمەتى الاڭىنداعى حالىق الدىنداعى ەسەپ بەرۋ كەزىندە ايتتى، دەپ حابارلايدى «ادىرنا» ۇلتتىق پورتالى.
ءمينيستردىڭ ايتۋىنشا، ولار باعدارلامالاردى وزدەرى قالاعان ۋاقىتتا جابا المايدى.
«مينيسترلىكتىڭ كەز كەلگەن ۇناماعان باعدارلامانى جاۋىپ تاستاۋعا قۇزىرەتى جوق. زاڭ بار. الايدا «QosLike» سياقتى باعدارلامالار جەكەمەنشىك باق-تاردا جۇرگىزىلىپ جاتىر. قوعام تاراپىنان نارازىلىق بولعاننان كەيىن ءبىز ولارمەن سويلەسىپ، ناقتى ءوز ۇسىنىستارىمىزدى بىلدىردىك. ونداي باعدارلامالاردىڭ تاعدىرى رەيتينگكە بايلانىستى. قوعامنىڭ ءبىر بولىگى ولارعا نارازى بولسا، ەكىنشى بولىگى سونى ءولىپ-ءتىرىلىپ قارايدى. «استارلى اقيقات»، «قالاۋلىم» دەگەن باعدارلامالار رەيتينگتىڭ ەڭ باسىندا تۇرعاندار. دەمەك سۇرانىس بار، حالىق كورەتىن بولعان سوڭ باق-تىڭ يەسى ەشقاشان ول باعدارلامالاردى جاپپايدى»، - دەدى بالاەۆا.
"ادىرنا" ۇلتتىق پورتالى
