پاۆلودار وبلىسىندا پوليتسەي ءوز-وزىنە وق اتىپ، جارالاندى، دەپ حابارلايدى «ادىرنا» ءتىلشىسى «استانا» ارناسىنا سىلتەمە جاساپ.
وقيعا جەلەزينكا اۋدانىنىڭ پروكۋراتۋرا عيماراتىندا بولعان. كەشەلى بەرى مەسسەندجەرلەردە جەلەزين اۋدانىنىڭ اعا تەرگەۋشىسى ءوزىن مىلتىقپەن اتىپ، ولتىرگەنى تۋرالى حابارلاما تاراعان بولاتىن. دەپارتامەنتتىڭ ءباسپاسوز قىزمەتى وقيعانىڭ پروكۋراتۋرا عيماراتىندا بولعانىن راستادى. ولاردىڭ ايتۋىنشا، ءتارتىپ ساقشىسىنىڭ وڭ يىعى جارالانعان.
پوليتسەيدىڭ ءوزى امان. بىراق ونىڭ نە ءۇشىن وق اتقانى ازىرگە بەلگىسىز. دەپارتامەنت وكىلدەرى بۇل تۋرالى ءتىس جارمادى.
«پوليتسيا قىزمەتكەرى اۋرۋحاناعا جەتكىزىلىپ، وتا جاسالدى. قازىرگى كۇنى جاعدايى قالىپتى، ومىرىنە ءتونىپ تۇرعان قاۋىپ جوق. اتالعان فاكتى بويىنشا پوليتسيا دەپارتامەنتى وزىندىك قاۋىپسىزدىك باسقارماسى قازاقستان رەسپۋبليكاسى قىلمىستىق كودەكسىنىڭ 105-بابى بويىنشا سوتقا دەيىنگى تەرگەۋ باستادى. وقيعانىڭ ءمان-جايى انىقتالۋدا»،–دەيدى پاۆلودار وبلىستىق پوليتسيا دەپارتامەنتى باسشىسىنىڭ ورىنباسارى راشاد وتەۋوۆ.
«ادىرنا» ۇلتتىق پورتالى
