پەرۋاشەۆ نازارباەۆقا ەسكەرتكىش سوقتىرىپ جاتىر ما؟

2645
Adyrna.kz Telegram

«اق جول» پارتياسىنىڭ توراعاسى ازات پەرۋاشەۆتىڭ ەلباسى نازارباەۆتىڭ كەلبەتىنە ۇقسايتىن ەسكەرتكىشتىڭ جانىندا تۇسكەن سۋرەتى جەلىدە تاراپ كەتتى، دەپ حابارلايدى "ادىرنا" ۇلتتىق پورتالى.

جەلى قولدانۋشىلارى «اق جول» پارتياسىنىڭ وكىلدەرىن نازارباەۆقا ەسكەرتكىش قويىپ جاتىر دەپ ايىپتاۋعا كوشكەن.

ال پارتيا توراعاسى ازات پەرۋاشەۆ تەلەگرام كانالىندا جۇرتتىڭ كوكەيىندە جۇرگەن سۇراقتارعا رەسمي جاۋاپ بەردى.

«جەلىلەردە جاريالانعان سۋرەتكە بايلانىستى تۇسەتىن سۇراقتارعا مىنانى حابارلايمىن. وتكەن قىستا ءوزىم قۇرمەتتەيتىن، اتاقتى ءمۇسىنشى تىلەۋبەردى بيناشەۆ اقساقالىمىز شەبەرحاناسىنا شاقىرىپ، داستارحان جايىپ، باسقا دا تۋىندىلارىمەن بىرگە بوزبالا كەزىندەگى دوسى ءشامشى قالداياقوۆتىڭ ءمۇسىنىن كورسەتكەن ەدى. سول كەزدە ءمۇسىنشى اعامىز جاساعان بىرنەشە جۇمىستارىنىڭ قاسىندا تۇرىپ، سۋرەتكە ءتۇسۋىمدى وتىنگەن بولاتىن.

قالعانىنىڭ بارلىعى-الدەكىمدەردىڭ ساندىراعى. ساتتىلىك تىلەيمىن»، - دەپ جازدى پەرۋاشەۆ.

"ادىرنا" ۇلتتىق پورتالى

پىكىرلەر