«Aq jol» partııasynyń tóraǵasy Azat Perýashevtyń Elbasy Nazarbaevtyń kelbetine uqsaıtyn eskertkishtiń janynda túsken sýreti jelide tarap ketti, dep habarlaıdy "Adyrna" ulttyq portaly.
Jeli qoldanýshylary «Aq jol» partııasynyń ókilderin Nazarbaevqa eskertkish qoıyp jatyr dep aıyptaýǵa kóshken.
Al partııa tóraǵasy Azat Perýashev telegram kanalynda jurttyń kókeıinde júrgen suraqtarǵa resmı jaýap berdi.
«Jelilerde jarııalanǵan sýretke baılanysty túsetin suraqtarǵa mynany habarlaımyn. Ótken qysta ózim qurmetteıtin, ataqty músinshi Tileýberdi Bınashev aqsaqalymyz sheberhanasyna shaqyryp, dastarhan jaıyp, basqa da týyndylarymen birge bozbala kezindegi dosy Shámshi Qaldaıaqovtyń músinin kórsetken edi. Sol kezde músinshi aǵamyz jasaǵan birneshe jumystarynyń qasynda turyp, sýretke túsýimdi ótingen bolatyn.
Qalǵanynyń barlyǵy-áldekimderdiń sandyraǵy. Sáttilik tileımin», - dep jazdy Perýashev.
"Adyrna" ulttyq portaly
