رەسەي ءۇشىن جاعىمسىز ءھام قولايسىز، «دۇشپان» ەلدەردىڭ ءتىزىمىن كەڭەيتۋدى ۇسىنىپتى. كىم؟ رەسەي دۋماسىنىڭ جارىم ورىس، جارىم ءجويت دەپۋتاتى – ۆلاديمير جيرينوۆسكي!
رەسەيدىڭ ليبەرالدى-دەموكراتيالىق پارتياسىنىڭ كارىسۇيەك، قۋباس باسشىسى وسىلاي دەپ باستاما كوتەرىپتى. ول بۇل جولى گۇرجىستان، پولشا مەن ۋكراينانى – رەسەيدىڭ «دۇشپاندارى» تىزىمىنە قوسۋدى ۇسىنىپتى.
سونىمەن قاتار، ۆلاديمير جيرينوۆسكي: «رەسەيگە قارسى سويلەيتىن، جالا جاۋىپ، ونى كىنالايتىن كەز كەلگەن شەنەۋنىككە قاتىستى سانكتسيا سالۋ كەرەك» دەگەن ۇسىنىس ايتقان.
«ماسكەۋ سويلەيدى» راديوستانتسياسىنىڭ ەفيرىنەن جيرينوۆسكي: «رەسەيگە جالا جاپقان، وعان قانداي دا ءبىر فورمادا دورەكەلىك جاسايتىن 50 ادامنىڭ ءتىزىمىن جاساۋ كەرەك. الەمنىڭ تۇكپىر-تۇكىپىرىنەن...»، - دەپ سويلەپتى.
ايتا كەتەيىك، 14 مامىر كۇنى رەسەي ۇكىمەتى پرەزيدەنت ءپۋتيننىڭ جارلىعىنا سايكەس، «رەسەيگە دوس ەمەس مەملەكەتتەردىڭ» ءتىزىمىن بەكىتكەن بولاتىن. ونىڭ قۇرامىنا اقش پەن چەحيا كىرگەن.
وتكەن جىلدىڭ تامىزىندا دۋمانىڭ داۋكەس دەپۋتاتى ۆلاديمير جيرينوۆسكي: «بۇرىنعى كسرو-نىڭ بارلىق تەرريتوريالارىن رەسەيگە قايتارىپ الۋ» تۋرالى باستاما كوتەرگەن ەدى.
ءوزىنىڭ سالا-قۇلاش مالىمدەمەسىندە جيرينوۆسكي: «كسرو-نىڭ بارلىق تەرريتوريالارىن رەسەيگە قايتارۋ كەرەك. قاتاڭ ءارى باتىل ارەكەتتەرگە بارۋ كەرەك. بارلىعى رەسەيدىڭ قۇرامىندا بوۋلى كەرەك»، - دەپ سويلەگەن.
ايتا كەتەيىك، ۆلاديمير جيترينوۆسكي سوڭعى 30 جىلعا جۋىق ۋاقىت بويى ەندىگى قاڭقاسى ۇگىلىپ، كەلمەسكە كەتكەن كسرو-دان تاۋەلسىزدىك جاريالاعان بارلىق مەملەكەتەردىڭ تەرريتوريالىق تۇتاستىعىنا قارسى اشىق يمپەرياليستىك ۇگىت جاساپ كەلەدى.
نۇرگەلدى ابدىعانيۇلى
"ادىرنا" ۇلتتىق پورتالى
