Reseı úshin jaǵymsyz hám qolaısyz, «dushpan» elderdiń tizimin keńeıtýdi usynypty. Kim? Reseı Dýmasynyń jarym orys, jarym jóıt depýtaty – Vladımır Jırınovskıı!
Reseıdiń lıberaldy-demokratııalyq partııasynyń kárisúıek, qýbas basshysy osylaı dep bastama kóteripti. Ol bul joly Gúrjistan, Polsha men Ýkraınany – Reseıdiń «dushpandary» tizimine qosýdy usynypty.
Sonymen qatar, Vladımır Jırınovskıı: «Reseıge qarsy sóıleıtin, jala jaýyp, ony kinálaıtyn kez kelgen sheneýnikke qatysty sankııa salý kerek» degen usynys aıtqan.
«Máskeý sóıleıdi» radıostanııasynyń efırinen Jırınovskıı: «Reseıge jala japqan, oǵan qandaı da bir formada dórekelik jasaıtyn 50 adamnyń tizimin jasaý kerek. Álemniń túkpir-túkipirinen...», - dep sóılepti.
Aıta keteıik, 14 mamyr kúni Reseı úkimeti prezıdent Pýtınniń jarlyǵyna sáıkes, «Reseıge dos emes memleketterdiń» tizimin bekitken bolatyn. Onyń quramyna AQSh pen Chehııa kirgen.
Ótken jyldyń tamyzynda Dýmanyń daýkes depýtaty Vladımır Jırınovskıı: «Burynǵy KSRO-nyń barlyq terrıtorııalaryn Reseıge qaıtaryp alý» týraly bastama kótergen edi.
Óziniń sala-qulash málimdemesinde Jırınovskıı: «KSRO-nyń barlyq terrıtorııalaryn Reseıge qaıtarý kerek. Qatań ári batyl áreketterge barý kerek. Barlyǵy Reseıdiń quramynda boýly kerek», - dep sóılegen.
Aıta keteıik, Vladımır Jıtrınovskıı sońǵy 30 jylǵa jýyq ýaqyt boıy endigi qańqasy úgilip, kelmeske ketken KSRO-dan Táýelsizdik jarııalaǵan barlyq memleketerdiń terrıtorııalyq tutastyǵyna qarsy ashyq ımperıalıstik úgit jasap keledi.
Nurgeldi ÁBDIǴANIULY
"Adyrna" ulttyq portaly
