قر دەنساۋلىق ساقتاۋ ءمينيسترى الەكسەي تسوي ەلىمىزدە كوروناۆيرۋستىڭ ۇندىستاندىق شتامى تابىلدى ما دەگەن سۇراققا جاۋاپ بەردى، دەپ حابارلايدى «ادىرنا» ۇلتتىق پورتالى.
«قازىر ۇندىستانمەن تىكەلەي رەيستەرگە تىيىم سالىنعان. سونىمەن قاتار پتر-سىناماسى تەرىس ناتيجە كورسەتكەن بولسا دا، ءۇندىستاننان كەلگەندەردىڭ ءبارى وقشاۋلانىپ، 14 كۇن بويى باقىلاۋدا بولۋى كەرەك دەگەن قاۋلى بار.
سونىمەن قاتار بۇكىل شتامم - ۇندىستاندىق، ۇلىبريتانيالىق نەمەسە باسقالارى - پتر-سىناماسىنىڭ انىقتاماسىنا وسال. قازىرگى ۋاقىتتا ەلگە پتر-انىقتاماسىنسىز كەلۋگە تىيىم سالىنعان»، - دەدى مينيستر.
سونداي-اق الەكسەي تسوي قازاقستاندا ۇندىستاندىق شتامنىڭ انىقتالماعانىن، الايدا ەلىمىزدە ۆيرۋستاردى ولشەۋ جانە جۇيەلەۋ جۇرگىزىلىپ جاتقاندىعىن ايتتى.
«قازىرگى ۋاقىتتا قازاقستاندا ۇندىستاندىق شتامم انىقتالعان جوق. بىراق اي سايىن وسىنداي ولشەۋلەردى جۇرگىزەمىز»، - دەدى ول.
"ادىرنا" ۇلتتىق پورتالى
