ءوز بىلىمىڭمەن ءبولىس!

1983

تالدىقورعان قالاسىنداعى نازارباەۆ زياتكەرلىك مەكتەبىنىڭ 11-سىنىپ وقۋشىلارى «ءوز بىلىمىڭمەن ءبولىس!» اتتى جاڭا الەۋمەتتىك جوباسىن باستادى. جوبا ەسكەلدى اۋدانى م.مامەتوۆا اتىنداعى ورتا مەكتەپ وقۋشىلارىنا اعىلشىن ءتىلى مەن ماتەماتيكانى وقىتۋدا كومەك كورسەتۋگە باعىتتالعان.

 قاشىقتىقتان وقىتۋعا كوشۋ كوپتەگەن اۋىل وقۋشىلارى مەكتەپ ماتەريالىن يگەرۋدە ءبىراز قيىندىقتارعا تاپ بولدى. ۇيدەن ۇيرەنۋ قيىن جانە ادەتتەن تىس بولىپ كورىنەدى. سوندىقتان، سىنىپتاستارمەن بىرىگىپ، ءبىز 6-سىنىپ وقۋشىلارىنا قيىندىقتى جەڭۋگە كومەكتەسۋدى شەشتىك، - دەيدى جوبا ەرىكتىلەرىنىڭ ءبىرى الۋا كوبلان.

«ءوز بىلىمىڭمەن ءبولىس!» جوباسىنىڭ كومانداسىندا جەتى ەرىكتى. بالالار ءار اپتا سايىن سەنبىدە اعىلشىن جانە ماتەماتيكا ساباقتارىن وتكىزەدى. ءار ساباق 40 مينۋتتى قۇرايدى.

م.مامەتوۆا اتىنداعى ورتا مەكتەپتىڭ 6-سىنىپ وقۋشىسى نارگيز ەرتاي ءۇشىنشى ساباعىن وتۋدە. ونىڭ ايتۋىنشا، زياتكەرلىك مەكتەپ وقۋشىلارى ساباقتى وتە قولجەتىمدى جانە قىزىقتى وتكىزەدى. ولاردىڭ ايتۋىنشا جوعارى سىنىپ وقۋشىلارىنان ۇيرەنۋ وتە ىڭعايلى.

قازىرگى كەزدە نازارباەۆ زياتكەرلىك مەكتەبىنىڭ ەرىكتىلەرى اۋىل مەكتەبىنىڭ 47 وقۋشىسىنا ساباق بەرۋدە.

 

پىكىرلەر
رەداكتسيا تاڭداۋى