Taldyqorǵan qalasyndaǵy Nazarbaev Zııatkerlik mektebiniń 11-synyp oqýshylary «Óz bilimińmen bólis!» atty jańa áleýmettik jobasyn bastady. Joba Eskeldi aýdany M.Mametova atyndaǵy orta mektep oqýshylaryna aǵylshyn tili men matematıkany oqytýda kómek kórsetýge baǵyttalǵan.
Qashyqtyqtan oqytýǵa kóshý kóptegen aýyl oqýshylary mektep materıalyn ıgerýde biraz qıyndyqtarǵa tap boldy. Úıden úırený qıyn jáne ádetten tys bolyp kórinedi. Sondyqtan, synyptastarmen birigip, biz 6-synyp oqýshylaryna qıyndyqty jeńýge kómektesýdi sheshtik, - deıdi joba eriktileriniń biri Alýa Koblan.
«Óz bilimińmen bólis!» jobasynyń komandasynda jeti erikti. Balalar ár apta saıyn senbide aǵylshyn jáne matematıka sabaqtaryn ótkizedi. Ár sabaq 40 mınýtty quraıdy.
M.Mametova atyndaǵy orta mekteptiń 6-synyp oqýshysy Nargız Ertaı úshinshi sabaǵyn ótýde. Onyń aıtýynsha, Zııatkerlik mektep oqýshylary sabaqty óte qoljetimdi jáne qyzyqty ótkizedi. Olardyń aıtýynsha joǵary synyp oqýshylarynan úırený óte yńǵaıly.
Qazirgi kezde Nazarbaev Zııatkerlik mektebiniń eriktileri aýyl mektebiniń 47 oqýshysyna sabaq berýde.
