بالا كوتەرە الماي جۇرگەن ونعا جۋىق كەلىنشەك ۆاكتسينا سالعىزعان سوڭ اياعى اۋىر بولعانىن مالىمدەگەن. بۇل اقپاراتقا قاتىستى ماماندار تۇسىنىكتەمە بەردى، دەپ حابارلايدى «ادىرنا» ۇلتتىق پورتالى «ەۋرازيا» ارناسىنا سىلتەمە جاساپ.
الماتى جانە تاراز قالاسىنداعى ونعا جۋىق كەلىنشەك ۆاكتسينانى سالدىرعان سوڭ جۇكتى بولعان. ءتىپتى ءبىرى 20 جىلدان استام ۋاقىت بالا كوتەرە الماي جۇرگەن ەكەن.
«ول ۆاكتسينادان دا بولۋى مۇمكىن. بىراق باسقا دا جاعدايلار اسەر ەتۋى ابدەن مۇمكىن. دەگەنمەن، مۇنداي جاعدايلار تىركەلگەنىن راستايمىز»، - دەيدى بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى كۇنسۇلۋ زاكاريا.
الايدا وسى دەرەككە ناقتى ەكپەنىڭ قاتىسى بار يا جوقتىعىن ازىرگە دالەلدەۋ قيىن. ويتكەنى جۇكتى كەلىنشەكتەر كلينيكالىق زەرتتەۋلەرگە قاتىسپايدى.
"ادىرنا" ۇلتتىق پورتالى
