Bala kótere almaı júrgen onǵa jýyq kelinshek vakına salǵyzǵan soń aıaǵy aýyr bolǵanyn málimdegen. Bul aqparatqa qatysty mamandar túsinikteme berdi, dep habarlaıdy «Adyrna» ulttyq portaly «Eýrazııa» arnasyna silteme jasap.
Almaty jáne Taraz qalasyndaǵy onǵa jýyq kelinshek vakınany saldyrǵan soń júkti bolǵan. Tipti biri 20 jyldan astam ýaqyt bala kótere almaı júrgen eken.
«Ol vakınadan da bolýy múmkin. Biraq basqa da jaǵdaılar áser etýi ábden múmkin. Degenmen, mundaı jaǵdaılar tirkelgenin rastaımyz», - deıdi bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarıa.
Alaıda osy derekke naqty ekpeniń qatysy bar ıa joqtyǵyn ázirge dáleldeý qıyn. Óıtkeni júkti kelinshekter klınıkalyq zertteýlerge qatyspaıdy.
"Adyrna" ulttyq portaly
