موڭعوليانىڭ ءبىلىم جانە عىلىم مينيسترلىگى Pfizer جانە Moderna سياقتى كومپانيالار جاساعان ۆاكتسينا سىناقتارى تيىمدىلىگىن كورسەتكەنىن حابارلادى. بۇعان دەيىن مينيسترلىك بالالارداعى كوروناۆيرۋسقا قارسى ۆاكتسينانى زەرتتەۋ باستالعانىن ايتقان بولاتىن.
مينيستر ل.ەنح-امگالان مەكتەپ وقۋشىلارىنا ۆاكتسينا ەگۋ تۋرالى سۇراققا جاۋاپ بەرە وتىرىپ، جاۋاپتى ادامداردىڭ بالالارعا قولدانۋعا بولاتىن ددۇ ماقۇلداعان ۆاكتسينالاردى زەرتتەپ جاتقانىن ايتتى. قازىرگى ۋاقىتتا پرەمەر-ءمينيستردىڭ ورىنباسارى، سىرتقى ىستەر ءمينيسترى جانە دەنساۋلىق ساقتاۋ مينيسترىنەن قۇرالعان توپ جاڭا وقۋ جىلى قارساڭىندا 12 مەن 17 جاس ارالىعىنداعى بالالاردى يممۋنداۋ بويىنشا جۇمىس جۇرگىزىپ جاتىر.
2020-2021 وقۋ جىلىنىڭ قۇرىلىمىنا وزگەرىستەر ەنگىزىلىپ، موڭعوليانىڭ ءبىلىم جانە عىلىم مينيسترلىگى جاقىندا جازعى دەمالىستى مەكتەپتەر مەن بالاباقشالاردا باستاۋ تۋرالى شەشىم قابىلدادى. اتاپ ايتقاندا، 1-3 سىنىپتار ءۇشىن جازعى دەمالىس 8 مامىردا، ال 4-12 سىنىپتار ءۇشىن 15 مامىردان باستالدى. جازعى دەمالىس ەرتە اياقتالاتىندىقتان، مينيسترلىك 2021-2022 وقۋ جىلىن 15 تامىزدا باستاۋدى جوسپارلاپ وتىر.
"ادىرنا" ۇلتتىق پورتالى
