Mońǵolııanyń Bilim jáne ǵylym mınıstrligi Pfizer jáne Moderna sııaqty kompanııalar jasaǵan vakına synaqtary tıimdiligin kórsetkenin habarlady. Buǵan deıin mınıstrlik balalardaǵy koronavırýsqa qarsy vakınany zertteý bastalǵanyn aıtqan bolatyn.
Mınıstr L.Enh-Amgalan mektep oqýshylaryna vakına egý týraly suraqqa jaýap bere otyryp, jaýapty adamdardyń balalarǵa qoldanýǵa bolatyn DDU maquldaǵan vakınalardy zerttep jatqanyn aıtty. Qazirgi ýaqytta Premer-Mınıstrdiń orynbasary, Syrtqy ister mınıstri jáne Densaýlyq saqtaý mınıstrinen quralǵan top jańa oqý jyly qarsańynda 12 men 17 jas aralyǵyndaǵy balalardy ımmýndaý boıynsha jumys júrgizip jatyr.
2020-2021 oqý jylynyń qurylymyna ózgerister engizilip, Mońǵolııanyń Bilim jáne ǵylym mınıstrligi jaqynda jazǵy demalysty mektepter men balabaqshalarda bastaý týraly sheshim qabyldady. Atap aıtqanda, 1-3 synyptar úshin jazǵy demalys 8 mamyrda, al 4-12 synyptar úshin 15 mamyrdan bastaldy. Jazǵy demalys erte aıaqtalatyndyqtan, mınıstrlik 2021-2022 oqý jylyn 15 tamyzda bastaýdy josparlap otyr.
"Adyrna" ulttyq portaly
