قوستاناي وبلىسىنىڭ اكىمى ارحيمەد مۇحامبەتوۆ بىرقاتار كادرلىق وزگەرىستەر ەنگىزدى، دەپ حابارلايدى «ادىرنا» ءتىلشىسى.
«قالا مەن اۋدان ءماسليحاتتارىنىڭ دەپۋتاتتارىمەن كەلىسە وتىرىپ، ءوز وكىمىمەن كەلەسى كادرلىق وزگەرىستەر ەنگىزىدiم. ارقالىق قالاسىنىڭ اكىمى بولىپ اسانوۆ ءامىرحان بىركەنۇلى، ليساكوۆ قالاسىنىڭ اكىمى ىبراەۆ اباي سارسەمبايۇلى تاعايىندالدى. ودان ءارى امانگەلدى اۋدانىنىڭ اكىمى كاربوزوۆ تالعات تويشىبەكۇلى، جىتىقارا اۋدانىنىڭ اكىمى ۋتەگەنوۆ نۇرجان قايىرجانۇلى، قارابالىق اۋدانىنىڭ اكىمى حالىقوۆ رۋسلان بولاتۇلى، ناۋىرزىم اۋدانىنىڭ اكىمى ابىشەۆ قايرات تىنىمبايۇلى بولىپ تاعايىندالدى.
جاڭا اكىمدەردىڭ الدىنا وڭىرلەردى ودان ءارى الەۋمەتتىك-ەكونوميكالىق دامىتۋ جونىندە بىرقاتار مىندەتتەردى قويدىم. اكىمدەرگە جاڭا قىزمەتىندە ساتتىلىك تىلەيمىن!»– دەپ جازدى باسشى Instagram جەلسىندەگى پاراقشاسىندا.
«ادىرنا» ۇلتتىق پورتالى
