قىتايدا 2 مامىردان باستاپ جۇرگىزۋشىسى جوق تاكسي جۇمىسىن باستادى، دەپ حابارلايدى «ادىرنا» ءتىلشىسى.
جاڭا قىزمەت ءتۇرىن Baidu كومپانياسى ىسكە قوستى.
بۇرىن روبوت-تاكسيلەردە توتەنشە جاعداي تۋىنداعان كەزدە ياكي مەحانيزمدەر دۇرىس جۇمىس ىستەمەگەن جاعدايدا تىزگىندى ۇستاۋ ءۇشىن جۇرگىزۋشى بولۋى قاجەت ەدى. بىراق Baidu ارنايى سىناقتان ءوتىپ، تولىعىمەن اۆتونومدى تاكسيلەردى ىسكە قوسۋعا دايىن ەكەنىن دالەلدەدى.
ايتا كەتەيىك، اۆتوموبيل جۇمىسى قاشىقتان باقىلانادى. جولاۋشىلار ورىندىعىنا الدىمەن كومپانيا قىزمەتكەرى وتىرۋى كەرەك. ونىڭ مىندەتىنە كولىكتىڭ جۇمىسىن باقىلاۋ كىرەدى.
تاكسي قىزمەتىن قولدانۋشىلارعا سمارتفون ارقىلى جەكە باسىن راستاۋ مىندەتتەلگەن. روبوت-كولىكتەر سالونداعى بارلىق ادام بەلدىكتى تاققاننان كەيىن عانا قوزعالادى.
«ادىرنا» ۇلتتىق پورتالى
