كولۋمبيادا جاپپاي حالىقتىڭ ميتينگىسى ءجۇرىپ جاتىر. ەل پرەزيدەنتى يۆان دۋكە كوتەرىلىسشىلەردى باسىپ جانشۋ ءۇشىن قازىر قالالارعا اسكەر مەن سوعىس تەحنيكالارىن كىرگىزۋدە. كوتەرىلىسشىلەردىڭ باستى تالابى - سالىق رەفورماسىنداعى باپتاردى وزگەرتۋ، سالىقتى تومەندەتۋ، باندالىق باسقارۋ جۇيەسىن توقتاتۋ. وسى ماقساتتا حالىق كوشەگە شىققان.
ال، ەل پرەزيدەنتى يۆان دۋكە بولسا، قاي جەردە كوتەرىلىستىڭ اۋقىمى ۇلكەن بولسا، سول قالاعا اسكەردى مولىنان جىبەرەمىز دەگەنىنەن قايتپاي وتىر. كەرىسىنشە، پرەزيدەنت پوليتسياعا كومەككە قوسىمشا اسكەر جىبەرەمىز دەپ شەشىم شىعاردى.
كولۋمبيالىقتار ەلدەگى سالىق رەفورماسى مەن توناۋعا قارسى تۇتاس كوتەرىلىسكە شىعىپ، ەل ۇكىمەتىنەن سالىق رەفورماسى بويىنشا وزگەرىستەر جاساۋدى تالاپ ەتۋدە. وتكەن جۇمادا ەل وكىمەتى سالىق كودەكسىندەگى كەيبىر باپتارعا وزگەرىستەر ەنگىزىلەدى دەپ ۋادە بەرگەن بولاتىن. بىراق ۋادە ورىندالماعان.
سالىقتىڭ اۋىرتپالىعىنان شارشاعان حالىق بانديتتىك رەجيمدى توقتاتۋدى تالاپ ەتىپ، تۇتاس كوشەگە شىققان. قازىر كوتەرىلىس بوگوتە، كالي، مەدەلينە قالالارىندا جالعاسىپ، سوڭى اسكەر مەن پوليتسيانىڭ كۇشى ارقىلى جانشىلىپ جاتىر.
بەكبولات قارجان،
"ادىرنا" ۇلتتىق پورتالى
