شىمكەنت قالاسىندا 2021 جىلى ءتۇرلى سالالاردا 385 ينۆەستيتسيالىق جوبا جۇزەگە اسىرىلادى. ولارعا تارتىلاتىن ينۆەستيتسيا قۇنى 400,8 ملرد. تەڭگەنى قۇرايدى. بۇل تۋرالى قالا اكىمىنىڭ الدىنداعى ەسەپتى كەزدەسۋىندە قاسىپكەرلىك، يندۋستريالدى-يننوۆاتسيالىق دامۋ باسقارماسىنىڭ باسشىسى ب.دۇيسەبەكوۆ ءمالىم ەتتى.
ونىڭ ايتۋىنشا، جوبالاردىڭ 212-ءى مەملەكەتتىك جوبالار بولسا، جاڭعىرتىلاتىن ءىرى كاسىپورىندار بويىنشا 10 جوبا، ونەركاسىپ سالاسىندا 24 جوبا، «Shymkent» اكك» اق ارقىلى 59 جوبا ىسكە اسىرىلسا، ءبىلىم سالاسىندا 13, ال 58 جوبا كوممەرتسيالىق تۇرعىن ۇيلەر مەن اۋىل شارۋاشىلىعى، تۋريزم، دەنساۋلىق سالاسىندا جوبالار بار.
سونىمەن قاتار، باسقارما باسشىسى 2021-2025 جىلدار ارالىعىندا جالپى قۇنى 2,5 ترلن. تەڭگەنى قۇرايتىن 211 ينۆەستيتسيالىق جوبا ىسكە اسىرىلىپ، 14 مىڭنان اسا جاڭا جۇمىس ورنى اشىلاتىنىن ءمالىم ەتتى. ونىڭ ىشىندە، 2021 جىلى جالپى قۇنى 155 ملرد. تەڭگەنى قۇرايتىن 2,5 مىڭ جاڭا جۇمىس ورنىمەن 47 ينۆەستيتسيالىق جوبانىڭ ىسكە اسىرىلۋى جوسپارلانىپ جاتقانىن ايتتى.
شىمكەنت قالاسى اكىمدىگىنىڭ ءباسپاسوز قىزمەتى
