اتىراۋدا الداعى جىلدارى 42 مىڭنان استام جاڭا جۇمىس ورنى اشىلماق

3598
Adyrna.kz Telegram

بۇل تۋرالى اتىراۋ وبلىسىنىڭ اكىمى ماحامبەت دوسمۇحامبەتوۆ ەلباسى قاتىسۋىمەن وتكەن قازاقستان حالقى اسسامبلەياسىنىڭ ححIح سەسسياسىنان كەيىن وبلىستاعى ەتنو-مادەني بىرلەستىكتەردىڭ وكىلدەرىمەن كەزدەسۋىندە ايتتى.

وبلىس اكىمى ماحامبەت دوسمۇحامبەتوۆ 22 ساۋىردە مەملەكەت باسشىسى قاسىم-جومارت توقاەۆتىڭ توراعالىعىمەن ءوڭىردىڭ الەۋمەتتىك-ەكونوميكالىق دامۋ ماسەلەلەرى قارالعان كەڭەستە جەتى باعىتتان تۇراتىن ناقتى مىندەتتەر جۇكتەلگەنىن اتاپ ءوتتى. وبلىستى دامىتۋدىڭ 2021-2025 جىلدارعا ارنالعان كەشەندى جوسپارىن قابىلداۋدى تاپسىرعانىن جەتكىزدى.

«جوسپار جوباسىندا وبلىسقا الداعى 5 جىلدا شامامەن 9,5 ترلن تەڭگە ينۆەستيتسيالار تارتۋ، ونىڭ ىشىندە 8 ترلن 600 ملرد تەڭگەدەن استام جەكە ينۆەستيتسيالار تارتۋ قاراستىرىلعان. سونىڭ ارقاسىندا 42 مىڭنان استام جاڭا جۇمىس ورىندارىن قۇرۋ كوزدەلگەن. كەشەندى جوسپاردى ىسكە اسىرۋ اتىراۋ وبلىسىنىڭ دامۋىنا قۋاتتى سەرپىن بەرىپ، ازاماتتارىمىزدى تولعاندىراتىن كوپتەگەن ماسەلەلەردى شەشۋگە مۇمكىندىك بەرەدى»،- دەگەن ايماق باسشىسى بۇل جوسپارلاردى ىسكە اسىرۋدا قازاقستان حالقى اسسامبلەياسىنىڭ دا ماڭىزدى رولگە يە بولاتىنىن ايتتى.

سونىمەن قاتار، ايماق باسشىسى سەسسياعا قاتىسۋشىلاردى الدا كەلە جاتقان 1 مامىر – قازاقستان حالقىنىڭ بىرلىگى كۇنىمەن قۇتتىقتادى.

«تاۋەلسىزدىك جىلدارىنداعى سىندارلى ساياساتتىڭ ارقاسىندا قازاقستاندا 130-دان استام ۇلت وكىلدەرى تاتۋ-ءتاتتى ءومىر سۇرۋدە. ولار ءبىرىنشى مامىردا بەرەكە مەن بىرلىكتى، بەيبىتشىلىك پەن ىنتىماقتى مەرەكەلەۋدى داستۇرگە اينالدىردى. سىزدەردى وسىناۋ اتاۋلى كۇنمەن قۇتتىقتايمىن!»،-دەدى وبلىس اكىمى.

جيىن سوڭىندا قازاقستان حالقى اسسامبلەياسى مۇشەلەرى زۋراب بوبوحيدزەگە «قازاقستان كونستيتۋتسياسىنا 25 جىل»، ال الەكساندر دۋملەرگە «قازاقستان حالقى اسسەمبلەياسىنا 25 جىل» مەرەكەلىك مەدالىن تابىستادى.

پىكىرلەر