سەنات سپيكەرى ماۋلەن اشىمباەۆ كوروناۆيرۋس ينفەكتسياسىن جۇقتىردى. بۇل تۋرالى ول ءوزىنىڭ Facebook پاراقشاسىندا جازبا جاريالادى.
«قۇرمەتتى دوستار! بارىنشا ساقتانىپ جۇرگەنىمە قاراماستان، سوڭعى سىناما ناتيجەسىندە كوروناۆيرۋس ىندەتىن جۇقتىرعانىم انىقتالىپ وتىر. بىراق بويىمدا اۋرۋدىڭ ەشقانداي بەلگىلەرى جوق. ايتسە دە وقشاۋلانىپ، مامانداردىڭ بارلىق تالاپتارىن قاتاڭ ساقتاۋدامىن. سوعان بايلانىستى جۇمىستى دا قاشىقتان جالعاستىرامىن»، - دەدى ول.
سونىمەن قاتار سەنات سپيكەرى پاندەميا ەكپىنىنىڭ ءالى باسەڭدەمەگەنىن ايتتى.
«سوندىقتان ارقانى كەڭگە سالىپ، ساقتىق شارالارىنا بەيجاي قاراۋعا بولمايدى. بۇل، ەڭ الدىمەن، ءوزىمىز جانە تۋعان-تۋىستارىمىز ءۇشىن اسا ماڭىزدى. ەندەشە ىندەتتىڭ الدىن الۋعا باسا ءمان بەرەيىك. امان بولىڭىزدار»، - دەپ جازدى ول.
"ادىرنا" ۇلتتىق پورتالى
