- تىشقان جىلى تۋىلعاندار
ولار ءۇستى-باسىن تازا ۇستاپ، ساق جۇرەدى. دۋمان-توي، ىردۋ-دىردۋدان بويىن اۋلاق سالۋعا تىرىسادى. مىنەزى – تاكاپپار، ءسال نارسەگە وكپەلەگىش.
- سيىر جىلى تۋىلعاندار
ۇستامدى كەلەدى. تۋعان-تۋىستارىنىڭ، ءوزىنىڭ قايعىسىنا قاتتى كۇيزەلىپ، كىمگە بولسىن كومەگىن ايامايدى. كەيدە بۇل قىلىعى وزىنە زيانىن تيگىزەدى. ادامدار بۇلاردىڭ جاقسىلىعىن تەز ۇمىتادى، الايدا قيىس باسسا، وعان تۇسىنىستىكپەن قارايدى.
- بارىس جىلى تۋىلعاندار
قىزبا مىنەزدى، اشۋلانشاق، باسقاعا بيلىك جۇرگىزگەندى ۇناتادى، ەشنارسەگە كوڭىلى تولمايدى، ءبىر ءىستى قولعا السا، بوگەت بولعان ادامداردى ۇناتپايدى، ولاردى بەتتەن الىپ، رەنجىتىپ تاستايدى.
- قويان جىلى تۋىلعاندار
قورقاق. كەز كەلگەن نارسەدەن ۇرەيلەنەدى، سىر ساقتاۋعا ولاق. ماڭىزدى ىستە ءوز بەتىنشە شەشىم قابىلداي المايدى. قاشاندا كوڭىل-كۇيىنە قاراي ارەكەت ەتەتىن جان.
- ۇلۋ جىلى تۋىلعاندار
تۇيىق مىنەزدى، بارىنشا قاراپايىم كورىنۋگە تىرىساتىن، بايسالدى، قۇپيانى ساقتاي بىلەتىن، كوبىنەسە ءۇنسىز ءجۇرۋدى ۇناتاتىن ادام. ونىڭ قولىنان ۇلكەن ىستەردى اتقارۋ كەلەدى، قاي ءىستى دە ءوز اقىلىمەن، وڭاشا شەشۋگە ۇمتىلادى.
- جىلان جىلى تۋىلعاندار
سىرت كوزگە ۇياڭ، ماڭىزدى ىستەردەن قاشقاقتاپ جۇرەدى. قويىلعان ساۋالعا ناقتى جاۋاپ قايتارمايدى. تايساقتاپ جاۋاپ بەرەدى. باسىنا پالە بولىپ جابىساتىن نارسە – ءتىلى. شامىنا تيسە، ۇياڭدىعىن قويىپ، شىنايى مىنەز-قۇلقىن كورسەتەدى. جانىڭدى جارالاپ العىڭ كەلمەسە جىلانداردان اۋلاق ءجۇر.
- جىلقى جىلى تۋىلعاندار
ولار – «جۇمىس اتى» سياقتى. جۇمىستان ەشقاشان دا جالىقپاي، تاڭەرتەڭنەن كەشكە دەيىن ءبىر تىنىم تاپپايدى. ايتەۋىر، كۇنى بويى تىپىرلاپ، مازاسىز كۇي كەشەدى.
- قوي جىلى تۋىلعاندار
ءسال نارسەگە اشۋلانادى، قيسايعان بەتىنەن قايتپايدى. سونداي ساتتەردە وزىنە دە، جانىندا جۇرگەندەرگە دە قاۋىپتى. ءوزىن جارعا جىعاتىن مىنەزى – شەشىمدى تىم اسىعىس قابىلدايتىندىعى.
- مەشىن جىلى تۋىلعاندار
ولار – وزىنە-ءوزى عاشىق جاندار. سانقوي، ىردۋ-دىردۋى كوپ كوڭىلدى باس قوسۋلاردى ۇناتادى. ءوزىن وزگەلەردەن ارتىق سانايدى.
- تاۋىق جىلى تۋىلعاندار
«ۇيكۇشىك». ءۇي-ۇيەلمەنىنە قامقور بولىپ، كەز كەلگەن اداممەن تەز ءتىل تابىسادى، وتباسىندا ادال. اقىل-ويى ءبىر باسىنا جەتەرلىك.
- يت جىلى تۋىلعاندار
مىنەزى سوزشەڭ، تالاس-تارتىس، داۋ-دامايعا لەزدە ارالاسىپ كەتەدى. ونى ءوزى دە بىلمەي قالادى. الايدا ەشكىمگە زيانى جوق.
- دوڭىز جىلى تۋىلعاندار
وڭاشا، تابيعات اياسىندا، باۋ-باقشادا ەڭبەك ەتكەندى، كوڭىلدى كەشتەرگە قاتىسقاندى ۇناتادى. كوپ نارسەگە باسىن قاتىرمايدى، ول جونىندە كوپ ويلانبايدى. وتباسىندا بالا-شاعاسى كوپ بولادى.
