رەسەيدىڭ اقش-تاعى 1 تريلليون ءرۋبلى مەن وبليگاتسيالارى بۇعاتتالدى

6378
Adyrna.kz Telegram

رەسەيدىڭ اقش-تاعى اكتيۆتەرى بۇعاتتالىپ، مەملەكەتتىك قارىزدارىنا سالىنعان سانكتسيادان رۋبل قيراپ جاتىر. اق ءۇي اكىمشىلىگى قابىلداعان سانكتسيا ءاپ-ساتتە ناتيجە بەردى.

بۇل جايىندا The New York Times اقپارات تاراتىپ جاتىر. The Wall Street Journal-دىڭ ايتۋىنشا اق ءۇي اكىمشىلىگى شارانى ودان ءارى ۇلعايتۋ ارەكەتىنە كوشكەن. قازىر اقش-تىڭ قارجى مەكەمەلەرىندە رەسەيلىك بانكتەردىڭ قۇندى قاعازدارى مەن وبليگاتسيالارىنىڭ ساتىلىمى توقتادى.

رەسەيلىك ەكونوميكالىق ساراپشىلار باتىستاعى اكتيۆتەر مەن مەملەكەتتىك قارىزدارعا سالىنعان سانكتسيانىڭ رەسەيگە زاردابى دا كۇشتى بولادى دەپ شۋلاپ كەتتى. بۇل ساياسي - ەكونوميكالىق سانكتسيا بۇرىنعى سانكتسيالىق پاكەتتەردەن اناعۇرلىم كۇشتى دەپ جاتىر ساراپشىلار.

اقش-تاعى رەسەيدىڭ 1 تريلليون ءرۋبلى بۇگىن بۇعاتتالدى. وسىنىڭ الدىندا عانا اقش-تاعى رەسەيدىڭ بانكتەرىندەگى قارجى اعىمدارىنا توسقاۋىل قويىلادى دەپ ەسكەرتۋ جاساعان بولاتىن. حالىقارالىق بانكتىك ترانزاكتسيادا ەندى رەسەيلىك Visa, Master card جۇمىس ىستەمەيدى. قازىر رەسەيلىكتەردىڭ كوپشىلىگى ميللياردەرلەردىڭ كاپيتالىن شەشىپ الۋ كەرەك دەگەن ۇستانىمدا.

الەۋمەتتىك جەلىدە رەسەيلىكتەردىڭ كوپشىلىگى پۋتين بيلىگىن ابسوليۋت ۇرى بيلىك دەپ، بايدەننىڭ سانكتسياسىن دۇرىس ساناپ، ونى ماقتاۋعا كوشتى. الەكسەي ناۆالنىي مەن سەرگەي فۋرگالدىڭ دا ماسەلەلەرى كوتەرىلىپ جاتىر. وسىلاي رەسەي ءبىراز جەرگە دەيىن اياق ۇشىمەن باراتىن سياقتى. ءبىر شىندىعى بار، ءبىزدىڭ تەڭگە رۋبلگە بايلانىپ تۇر. سالقىنى تەڭگەگە سوقپاي قويمايدى.

 

بەكبولات قارجان،

"ادىرنا" ۇلتتىق پورتالى 

پىكىرلەر