كارانتين كەزەڭىندە Rixos Water World Aktau قوناق ءۇيىنىڭ يەسىنە قازاقستاندىق «يرينا كايراتوۆنا» توبىنىڭ كونتسەرتىن ۇيىمداستىرعانى ءۇشىن ايىپپۇل سالىندى، - دەپ حابارلايدى “ادىرنا» ۇلتتىق پورتالى «لاداعا» سىلتەمە جاساپ.
اقتاۋ اكىمدىگىنىڭ ءباسپاسوز قىزمەتى حابارلاعانداي، سانيتارلىق-ەپيدەميولوگيالىق قاداعالاۋ ورگاندارىنىڭ كارانتيندىك تالاپتاردى بۇزعانى ءۇشىن قوناق ءۇي يەسىنە 800 اەك (2,3 ملن. تەڭگە) ايىپپۇل سالىندى.
«پوليتسيا قىزمەتكەرلەرى، اكىمدىك وكىلدەرىنەن قۇرىلعان ءموبيلدى توپ كەشەن يەسىنە ارنالعان كارانتيندىك تالاپتاردى بۇزعانى ءۇشىن حاتتاما جاساپ، تۇسىندىرمە مالىمدەمە الدى. ويتكەنى قالادان 20 شاقىرىم جەردە تەڭىز جاعاسىنداعى دەمالىس ورنىندا كوپ ادام جينالعان كونتسەرت ۇيىمداستىرىلدى »، دەپ حابارلادى قالا اكىمدىگى.
ەسكە سالايىق، «يرينا كايراتوۆنا» توبىنىڭ كونتسەرتى Rixos Aktau قوناق ۇيىندە 10 ساۋىردە ءوتتى. الەۋمەتتىك جەلىلەردە توپتىڭ ونەر كورسەتكەن ۆيدەوجازباسى جاريالانعان ەدى.
قازىرگى ۋاقىتتا ماڭعىستاۋ وبلىسى COVID-19 تارالۋىنىڭ «سارى» ايماعىندا تۇر. وبلىستىڭ باس سانيتارلىق دارىگەرىنىڭ قاۋلىسىنا سايكەس، اسەرلى، سپورتتىق ءىس-شارالار، كورمەلەر، فورۋمدار، كونفەرەنتسيالار، بانكەتتەر، ۇيلەنۋ تويلارى، مەرەيتويلار، سونىڭ ىشىندە ۇيدە جانە باسقا كوپشىلىك جيانالاتىن ءىس-شارالاردى تىيىم سالىنعان.
«ادىرنا» ۇلتتىق پورتالى
