شقو-دا جوعالىپ كەتكەن ەكى جاسار بالانىڭ ءمايىتى تابىلدى

3102
Adyrna.kz Telegram

شىعىس قازاقستان وبلىسىنىڭ ريددەر قالاسىندا جوعالىپ كەتكەن 2 جاسار ارسەني كيسەلەۆتى ىزدەۋ جۇمىستارى توقتاتىلدى، دەپ حابارلادى ادىرنا ۇلتتىق پورتالى Altaynews سايتىنا سىلتەمە جاساپ.

ارسەني جۇما كۇنى كۇندىز ادەتتەگىدەي اۋلاعا ويناۋعا شىققان. پوليتسەيلەر كىشكەنتاي بالانى اعا-اپكەلەرىمەن، سونداي-اق كورشى بالالارمەن بىرگە ويناپ جۇرگەنىن، الايدا ءبىرشاما ۋاقىتتان كەيىن كەنەتتەن جوعالىپ كەتكەنىن انىقتادى.

وسكەمەننەن ىزدەستىرۋ جۇمىستارىن جۇرگىزۋ ءۇشىن قوسىمشا پوليتسيا دەپارتامەنتىنىڭ جانە توتەنشە جاعدايلار دەپارتامەنتىنىڭ قىزمەتكەرلەرى، سونىمەن قاتار كينولوگتار كەلدى.

«پوليتسيا قىزمەتكەرلەرى بالا وزەنگە قۇلاپ كەتۋى مۇمكىن دەپ بولجادى. بۇعان سۋ قويماسىنىڭ جاعاسىندا تابىلعان ىزدەر دالەل بولدى. وزەن ارناسىن ءتىنتۋ بارىسىندا سول ىزدەردەن 1 شاقىرىمداي جەردەن بالانىڭ ءمايىتى تابىلدى»، - دەدى شقو پوليتسيا دەپارتامەنتىنىڭ باستىعى ساعات ماديەۆ.

پىكىرلەر