بيىلعى جىلعى 1 ساۋىردە نۇر-سۇلتان قالاسىنا ناننين قالاسىنىڭ گۋانسي-چجۋان اۆتونوميالىق اۋدانىنىڭ (گچاا) اكىمشىلىك ورتالىعىنان پيلوتتىق كونتەينەرلىك پويىز كەلدى. جاڭا قىزمەت «ءبىر بەلدەۋ – ءبىر جول» قازاقستاندىق – قىتايلىق باستامانى ىسكە اسىرۋ شەڭبەرىندە ۇيىمداستىرىلدى، دەپ حابارلايدى «قازاقستان تەمىر جولى» ۇلتتىق كومپانياسىنىڭ ءباسپاسوز قىزمەتى.
كونتەينەرلىك پويىز 17 ناۋرىزدا ناننين حالىقارالىق تەمىرجول پورتىنان جولعا شىعىپ، 5 مىڭ شاقىرىمنان استام جولدى ءجۇرىپ ءوتىپ، اۋىر قۇرىلىس تەحنيكا ارتىلعان 49 قىرىق فۋتتىق كونتەينەردى جەتكىزدى.
«KTZ Express» اق قىتايداعى وكىلدىگىنىڭ باسشىسى نۇرسۇلۋ جولباسقانوۆانىڭ ايتۋىنشا، جاڭا لوگيستيكالىق ارنا جۇكتى جەتكىزۋ ۋاقىتىن 3 ەسە ۇنەمدەۋگە مۇمكىندىك بەردى. بۇرىن قۇرىلىس تەحنيكاسى اۆتوموبيل كولىگىمەن تاسىمالداناتىن. جەتكىزۋ ۋاقىتى 45 كۇننەن اساتىن.
